مەدەۋ اۋدانى اكىمدىگىنىڭ ۇيىمداستىرۋىمەن وتكەن ءىس-شاراعا اۋدان تۇرعىندارى، قوعام بەلسەندىلەرى، مادەنيەت، عىلىم، ءبىلىم، دەنساۋلىق ساقتاۋ جانە وزگە دە سالالاردىڭ وكىلدەرى قاتىستى. ماقسات – ۇلتتىق مەرەكەنىڭ ءمانىن ۇلىقتاۋ، ازاماتتاردىڭ پاتريوتتىق سەزىمىن ارتتىرۋ جانە ەل يگىلىگى ءۇشىن ەلەۋلى ەڭبەك ەتىپ جۇرگەن تۇلعالاردى قۇرمەتتەۋ.
سالتاناتتى كەش رەسپۋبليكالىق جانە حالىقارالىق بايقاۋلاردىڭ لاۋرەاتى «ءال-قيسسا» دومبىرا ستۋدياسى شاكىرتتەرىنىڭ حالىق كۇيلەرىن ورىنداۋىمەن اشىلدى. ودان كەيىن قازاقستان رەسپۋبليكاسىنىڭ مەملەكەتتىك تۋى مەن ءانۇرانىنىڭ ورىندالدى.
كورەرمەندەر الدىندا ءسوز سويلەگەن مەدەۋ اۋدانى اكىمىنىڭ ورىنباسارى ايدوس نۇرلىبايەۆ جينالعان جۇرتشىلىقتى مەرەكەمەن قۇتتىقتاپ، بۇل كۇن ءاربىر قازاقستاندىق ءۇشىن ماڭىزدى ءارى تاريحي داتا ەكەنىن اتاپ ءوتتى.
كەش بارىسىندا ق ر پرەزيدەنتىنىڭ 2025 جىلعى 25 قىركۇيەكتەگى №1005 جارلىعىنا سايكەس كوپبالالى انالارعا مەملەكەتتىك ناگرادالار تابىستالدى. ءۇش انا «التىن القا» يەگەرى اتانسا، سەگىز جاس اناعا «كۇمىس القا» توسبەلگىسى بەرىلدى. مەرەكە اياسىندا سونداي-اق الماتى قالاسىنىڭ جانە مەدەۋ اۋدانىنىڭ دامۋىنا ايرىقشا ۇلەس قوسقان ازاماتتارعا قالا اكىمى دارحان ساتىبالدىنىڭ جانە اۋدان اكىمىنىڭ اتىنان قۇرمەت گراموتالارى مەن العىس حاتتارى تابىستالدى.
ودان كەيىن مەرەكەلىك كەش «ارعىماق» توبى، «ASU» حالىقارالىق بي ءانسامبلى، Jiger & Janat دۋەتى، پارۆيز نازاروۆ، «التىناي» كاسىبي بي ۇجىمى، جانار ايجانوۆا جانە اتى اڭىزعا اينالعان «دوس-مۇقاسان» ءانسامبلى ونەرلەرىن تاماشالاۋمەن جالعاستى. كەش سوڭىندا بارشا ارتىستەر ەل جۇرەگىنەن ورىن العان «اتامەكەن» ءانىن بىرگە ورىنداپ، كورەرمەندەرگە ەرەكشە رۋح پەن كوتەرىڭكى كوڭىل-كۇي سىيلادى.
ايدوس نۇرلىبايەۆ، مەدەۋ اۋدانى اكىمىنىڭ ورىنباسارى:
رەسپۋبليكا كۇنىنە ارنالعان مەرەكەلىك ءىس-شارانى اۋدان تۇرعىندارى مەن قالا قوناقتارىنا ارناپ ۇيىمداستىرىپ وتىرمىز. مەملەكەت باسشىسىنىڭ تاپسىرماسىنا سايكەس، ەلىمىزدىڭ دەموگرافياسىنا ۇلەس قوسىپ جۇرگەن التىن جانە كۇمىس القا يەگەرلەرىن ارنايى قۇتتىقتادىق. ءبىزدىڭ اۋداندا 3000-عا جۋىق كوپ بالالى وتباسى بار. ولاردىڭ قاتارى جىل سايىن ارتىپ كەلەدى. بۇل – قۋانىشتى جاعداي. سونداي-اق، الەۋمەتتىك جانە وزگە دە سالالاردا ەڭبەگى سىڭگەن تۇرعىندارعا قالا جانە اۋدان اكىمىنىڭ اتىنان العىس حاتتار تابىستالدى. بۇدان ءارى مەرەكەلىك كونسەرتتىك باعدارلاما جالعاسىپ، تۇرعىندارعا تاماشا كوڭىل-كۇي سىيلايمىن. بارشاڭىزعا مەرەكە قۇتتى بولسىن!
«التىن القا» يەگەرى يرينا پاۆلوۆا سەگىزىنشى ءسابيىن كۇتىپ جۇرگەنىن ايتا كەلىپ، مەملەكەت تاراپىنان كورسەتىلىپ جاتقان بارلىق جاقسىلىقتارعا ريزامىز دەيدى.
مەنىڭ جەتى بالام بار. 8ء-شى ءسابيىمىزدى كۇتىپ ءجۇرمىز. ۇلكەن قىزىم 12 جاستا، كەنجەم تورتتە. ءتورت قىزىم جانە ءۇش ۇلىم بار. بۇرىن مەيىربيكە ماماندىعىن مەڭگەرگەنمىن، ءقازىر بالالاردى تاربيەلەۋمەن اينالىسامىن. وسىنداي ماراپات الۋ – مەن ءۇشىن ۇلكەن باقىت. مەملەكەت تاراپىنان كورسەتىلگەن قۇرمەتكە شىن جۇرەكتەن العىس ايتامىن.
«كۇمىس القا» يەگەرى اتانعان التى ۇلدىڭ اناسى نازيرا داركەنبايەۆا دا ءوز قۋانىشىن ءبىلدىرىپ بىلاي دەدى:
بۇگىنگى مەرەكەلىك شاراعا جۇبايىم مەن كەنجە بالاممەن بىرگە كەلدىك. بارشا قازاقستاندىقتاردى رەسپۋبليكا كۇنىمەن شىن جۇرەكتەن قۇتتىقتايمىز! وتباسىمىزدا التى ۇل ءوسىپ كەلەدى. ۇلكەنىمىز 15 جاستا، كەنجەمىزگە ءبىر جىلدان ءسال استى. ەندى ءبىر قىزىمىز بولسا دەگەن ارمانىمىز بار، – دەيدى نازيرا مەن ونىڭ جۇبايى داستان حانجازوۆ.
«كۇمىس القانى» موينىنا تاققان قۇرالاي شاماحسۋتوۆا ساحنا تورىنە شىعىپ، ەرەكشە قۇرمەتكە بولەنگەنىن ايتىپ، العىس ايتتى:
التى بالانىڭ اناسىمىن. بۇگىن وسىنداي ەرەكشە قۇرمەتكە يە بولعانىما وتە قۋانىشتىمىن. بەس قىزىم جانە ءبىر ۇلىم بار. جولداسىم اۆتوبۋس پاركىندە جۇمىس ىستەيدى. ماماندىعىم – بۋحگالتەر-اۋديتور. بالالارىمنىڭ ۇلكەنى 12 جاستا، كىشىسى – ءبىر جارىمدا. وسىنداي ماراپات ءبىز ءۇشىن ۇلكەن جىگەر بەرەدى. ەلىمىزدىڭ مەرەكەسى قۇتتى بولسىن! – دەدى جاس انا.