كەيىنگى جىلدارى ونلاين پلاتفورمالار قاپتاپ كەتتى. قىمبات كۋرس ساتىپ الىپ، ساباقتى وقىماعان نە ۇناتپاعان جاعدايدا اقشانى قايتارۋعا بولا ما؟ زاڭگەر ينديرا ءومىرزاقوۆا جاۋاپ بەردى، - دەپ حابارلايدى aqshamnews.kz ءتىلشىسى.
"ەگەر كۋرس ساباقتارى كەزەڭ-كەزەڭىمەن اشىلاتىن بولسا، ماسەلە وڭاي شەشىلەدى"، - دەيدى زاڭگەر.
مىسالى، ەكىنشى ساباق ءبىرىنشىسى وتكەنشە اشىلماسا، ماتەريالدار مودۋلدەرگە بولىنگەن بولسا، يگەرىلمەگەن ساباقتارعا اقشا قايتارۋدى تالاپ ەتۋگە بولادى. بۇل جاعدايدا پلاتفورمالار قاي ساباقتار اشىلعانىن تىركەۋى كەرەك، سوندىقتان تۇتىنۋشى ءۇشىن ءونىمدى پايدالانباعانىن دالەلدەۋ الدەقايدا وڭاي.
ءومىرزاقوۆانىڭ ايتۋىنشا، مۇنداي جاعدايدا وقۋ ورنىنان جازباشا تالاپ‑شوت (پرەتەنزيا) جىبەرۋ جەتكىلىكتى بولادى. وندا ازاماتتىق كودەكسىنىڭ 686‑بابىنا جانە تۇتىنۋشىلاردىڭ قۇقىعىن قورعاۋ تۋرالى زاڭنىڭ 8.1‑بابىنا سىلتەمە جاساۋ ۇسىنىلادى.
بارلىعىنا بىردەن قولجەتىمدى بولسا، قيىندىق كوبەيمەك
ەگەر كۋرسقا تولەنگەننەن كەيىن بارلىق ماتەريال بىردەن اشىلىپ كەتسە، جاعداي كۇردەلىرەك. مۇندا كوپنارسە شارتقا بايلانىستى بولادى. وفەرتا نەمەسە پايدالانۋشى كەلىسىمىنىڭ ناقتى ءماتىنى شەشۋشى ءرول اتقارادى.
"كەلىسىم دۇرىس جاسالماعان بولسا نەمەسە قاشىقتان كورسەتىلەتىن قىزمەتتىڭ ەرەكشەلىكتەرى ەسكەرىلمەگەن بولسا، تۇتىنۋشى اقشاسىن قايتارىپ الۋى مۇمكىن. ءبىراق كوبىنە كۋرس ساتاتىندار وزدەرىن قورعايدى، ياعني ساباق تولىق قولجەتىمدى بولعاننان كەيىن قايتارىم جاسالمايتىنىن شارتقا الدىن‑الا جازىپ قويادى"، - ەسكەرتەدى زاڭگەر.
بۇل جاعدايدا نە ىستەۋ كەرەك؟
- شارتتى (وفەرتا، پايدالانۋشى كەلىسىمى) تولەم جاساماس بۇرىن مۇقيات وقىپ شىعىڭىز.
- اشىلعان كۋرستاردى، قايتارىم شارتتارىنىڭ سكرينشوتتارىن ساقتاڭىز.
- ەگەر وقۋ ورنى ءسىزدىڭ قۇقىقتارىڭىزدى بۇزعانىنا سەنىمدى بولساڭىز، الدىمەن جازباشا پرەتەنزيا جولداپ، جاۋاپ كەلمەسە، سوتقا نەمەسە مەدياتورعا جۇگىنۋگە بولادى.