تانىمال مۋزىكاتانۋشى، ونەرتانۋ كانديداتى، قازاقتىڭ ءداستۇرلى مۋزىكاسىن زەرتتەۋشى جانە ۇستاز ءاليا سابىروۆا 58 جاسىندا كوز جۇمدى، - دەپ حابارلايدى aqshamnews.kz ءتىلشىسى.
ول وتىز جىلعا جۋىق ءداستۇرلى مۋزىكالىق مادەنيەتتەر مەن تۇركى الەمىنىڭ مۋزىكاسىنا ارنالعان پاندەردى وقىتىپ، اۆتورلىق ارنايى كۋرستار ازىرلەدى. قازاقستاندا العاش بولىپ "الەم حالىقتارىنىڭ مۋزىكاسى" اتتى وقۋ كۋرسىن قۇردى.
عىلىمي جەتەكشىلىگىمەن 50 جۋىق ماگيسترلىك جانە 3 دوكتورلىق ديسسەرتاسيا قورعالدى. كونسەرۆاتوريانىڭ عىلىم حاتشىسى، قازاق جانە شەتەل مۋزىكا تاريحى كافەدراسىنىڭ مەڭگەرۋشىسى قىزمەتتەرىن اتقاردى.
"2009–2010 جىلدارى "مۋزىكا الەمىندە - ۆ ميرە مۋزىكي" جۋرنالىنىڭ باس رەداكتورى بولدى. تەلەباعدارلامالار جۇرگىزىپ، عىلىمي ەكسپەديسيالارعا قاتىسىپ، ىرگەلى ەڭبەكتەردى رەداكسيالادى. عىلىمي ىزدەنىستەرىندە اباي مەن شاكارىم مۇراسىنا ارنالعان زەرتتەۋلەرى ەرەكشە بولدى"، - دەلىنگەن حابارلامادا.
ارىپتەستەرى ونى ەڭبەكقور، باستاماشىل، كاسىبىنە ادال، جاڭاشىل عالىم رەتىندە ەرەكشە باعالادى. ستۋدەنتتەرمەن تەڭ دارەجەدە ءتىل تابىسىپ، ولاردىڭ دەربەس ويلاۋىنا جول اشىپ، دالدىك پەن دەرەككوزگە تالاپ ەتتى.