اتىراۋ وبلىسىندا زەينەتكەرلەر مەن مۇگەدەكتەرگە ارنالعان ورتالىقتاعى تاربيەشى دامۋى شەكتەۋلى بالانى ۇرعان، - دەپ حابارلايدى aqshamnews.kz ءتىلشىسى.
پوليسيا بۇل وقيعا بويىنشا تەرگەۋ باستادى.
الەۋمەتتىك جەلىلەردە تاراعان كادرلاردا ورتالىق قىزمەتكەرى ەكىنشى توپتاعى مۇگەدەكتىگى بار بالانى كۇشپەن كوتەرىپ، سوققى جاساعانى كورىنەدى. پوليسيا ۆيدەونى قاراپ، بۇل دەرەك بويىنشا قىلمىستىق ءىس قوزعادى.
"ەكىنشى توپتاعى مۇگەدەكتىگى بار بالاعا قاتىستى تاربيەشىنىڭ زورلىق كورسەتۋ دەرەگى بويىنشا قىلمىستىق ءىس قوزعالدى. وقيعا 2024 جىلى بولعانىمەن، پوليسياعا حابار 25 قىركۇيەك اعىمداعى جىلى ءتۇستى"، - دەلىنگەن.
ءقازىر قۇقىق قورعاۋ ورگاندارى سوتالدى تەرگەۋ جۇرگىزىپ جاتىر، كۋاگەرلەر مەن وقيعاعا قاتىسى بار تۇلعالاردان جاۋاپ الىنىپ جاتىر.
ەسكە سالايىق، بۇعان دەيىن الماتىدا بالانى تۇنشىقتىرعان تاربيەشىگە قاتىستى ۇكىم شىققان بولاتىن: وعان ءتورت جىل سوتتا بوستاندىقتان ايىرۋ جانە الداعى 10 جىل ىشىندە بالالارمەن جۇمىس ىستەۋگە تىيىم سالىندى.