تۇركىستان وبلىسىندا مەديسينالىق مەكەمەدە ەمدەلىپ جاتقان سوتتالۋشى اۋرۋحانادان قاشىپ كەتتى. وقيعا 23 قازاندا بولعان، - دەپ حابارلايدى aqshamnews.kz ءتىلشىسى.
تۇركىستان وبلىسى پوليسيا دەپارتامەنتىنىڭ حابارلاۋىنشا، ءقازىر جاسىرىنعان سوتتالۋشىنىڭ ورنالاسقان جەرىن انىقتاۋعا جانە ۇستاۋعا باعىتتالعان جەدەل-ىزدەستىرۋ ءىس-شارالارى جۇرگىزىلىپ جاتىر.
"پوليسيانىڭ بارلىق جەكە قۇرامى ىزدەستىرۋ جۇمىستارىنا جۇمىلدىرىلدى. باقىلاۋ بەكەتتەرى قويىلىپ، قاجەتتى شۇعىل شارالار اتقارىلىپ جاتىر. وقيعا بويىنشا قىزمەتتىك تەرگەۋ باستالدى، ونىڭ قورىتىندىسىمەن بارلىق كىنالى تۇلعالارعا قاتىستى قاتاڭ شارالار قابىلدانادى. بۇل جايت تۇركىستان وبلىسى پوليسيا دەپارتامەنتى باسشىلىعىنىڭ جەكە باقىلاۋىندا"، - دەلىنگەن وبلىستىڭ پد رەسمي حابارلاماسىندا.