رەسپۋبليكا كۇنى قارساڭىندا الماتى قالاسىندا قارجىلاي ساۋاتتىلىقتى ارتتىرۋ جانە الاياقتىق سحەمالاردان قورعانۋ داعدىلارىن قالىپتاستىرۋعا باعىتتالعان FinIQ قارجىلىق قاۋىپسىزدىك بويىنشا رەسپۋبليكالىق ديكتانت-تەستىنىڭ جەڭىمپازدارىن ماراپاتتاۋ ءراسىمى ءوتتى.
ديكتانت جەڭىمپازدارىن الماتى قالاسى بويىنشا ەتد باسشىسى يسماگۋلوۆ ن.ن. جانە «Halyk Bank» اق الماتى فيليالى ديرەكتورىنىڭ ورىنباسارى جەكسەمبينوۆ ف.م. قۇتتىقتاپ، ماراپاتتادى.
ديكتانتقا مەكتەپ وقۋشىلارى، ستۋدەنتتەر جانە قالا تۇرعىندارى قاتىسىپ، قارجىلىق قاۋىپسىزدىك سالاسىندا جوعارى ءبىلىم دەڭگەيىن كورسەتتى.
ۇزدىك ناتيجە كورسەتكەن قاتىسۋشىلارعا ەستەلىك سىيلىقتار مەن جەڭىمپاز ديپلومدارى تابىس ەتىلدى.
ءىس-شارا ۇيىمداستىرۋشىلارىنىڭ ايتۋىنشا، FinIQ ديكتانت-تەستىن وتكىزۋ حالىقتىڭ قارجىلىق مادەنيەتىن نىعايتۋعا، الاياقتىققا قارسى ساقتىقتى ارتتىرۋعا جانە جەكە قارجىعا جاۋاپكەرشىلىكپەن قاراۋ داعدىلارىن قالىپتاستىرۋعا ىقپال ەتەدى.
بۇل شارا «زاڭ مەن ءتارتىپ» تۇجىرىمداماسىن ىسكە اسىرۋ اياسىندا قازاقستان رەسپۋبليكاسىنىڭ قارجىلىق مونيتورينگ اگەنتتىگىنىڭ باستاماسىمەن، «Halyk Bank» اق جانە «قارىزسىز قوعام» قوعامدىق بىرلەستىگىنىڭ قولداۋىمەن وتكىزىلدى.