27 قازاننان باستاپ الماتىدا "حالىققا قاتىساتىن بيۋدجەت" (حقب) جوباسى اياسىندا قالا تۇرعىندارىنىڭ ۇسىنىسىنا داۋىس بەرۋ كەزەڭى باستالادى.
بيىل الماتىلىقتار 4 632 باستاما ۇسىندى. ءوتىنىم 1-30 قىركۇيەك ارالىعىندا قابىلداندى. ەندى جوبانىڭ ماڭىزدى كەزەڭى باستالادى. كەلەسى جىلى قانداي باستامالاردىڭ جۇزەگە اسىرىلاتىنى تۇرعىنداردىڭ داۋىس بەرۋلەرىنە بايلانىستى بولادى.
داۋىس بەرۋ بيىل 27 قازان مەن 9 قاراشا ارالىعىندا وتەدى. وعان قالانىڭ ءاربىر تۇرعىنى budget.open-almaty.kz پلاتفورماسى ارقىلى قاتىسا الادى.
"حالىق قاتىساتىن بيۋدجەت-2025" جوباسىنىڭ نەگىزگى كەزەڭدەرى:
1-12 قازان - اۋدان اكىمدىكتەرى جانىنداعى باستامالاردى ساراپتامالىق تەكسەرۋ؛
19 قازانعا دەيىن - اۆتورلاردىڭ جوبالارىن پىسىقتاۋى؛
20-26 قازان - جاڭارعان وتىنىمدەردى قاراۋ؛
27 قازان - 9 قاراشا - تۇرعىنداردىڭ داۋىس بەرۋى؛
10-16 قاراشا - قورىتىندىلاۋ؛
17-18 قاراشا - بيۋدجەتتىك وتىنىمدەردى قالىپتاستىرۋ؛
2026 جىل - جەڭىمپاز جوبالاردى جۇزەگە اسىرۋ.
"حالىق قاتىساتىن بيۋدجەت" جوباسى تۇرعىنداردى قالانىڭ دامۋ ۇدەرىسىنە تارتۋعا باعىتتالعان. ءاربىر الماتىلىق باستاماسىن ۇسىنىپ، وزىنە ۇنايتىن جوبانى تاڭداپ، ورىندالۋىن قاداعالاي الادى.
كەلەسى ءوتىنىم 2026 جىلى قابىلدانادى. تولىق اقپارات budget.open-almaty.kz. سايتىندا ورنالاستىرىلعان.