الداعى جىلدارى بۇل كورسەتكىشتى ودان ءارى ارتتىرماق.
بيىل قازاقستان گرۋزيا ارقىلى 2-3 ملن تونناعا دەيىن مۇناي تاسىمالداۋدى جوسپارلاپ وتىر، دەپ حابارلايدى Almaty-akshamy.kz Inbusiness.kz سىلتەمە جاساپ.
گرۋزيانىڭ ەكونوميكا جانە تۇراقتى دامۋ مينيسترلىگىنىڭ مالىمەتىنشە، ۆيسە-پرەمەر، ەكونوميكا مينيسترلىگىنىڭ باسشىسى ليەۆان داۆيتاشۆيلي قازاقستان پرەزيدەنتىنىڭ ارنايى وكىلى ەرجان قازىحانوۆ باستاعان قازاقستاندىق دەلەگاسيامەن كەزدەسكەن.
قوس تاراپ گرۋزيا مەن قازاقستان اراسىنداعى ساۋدا-ەكونوميكالىق جانە كولىك-لوگيستيكالىق ماسەلەلەردى تالقىعا سالىپ، بۇل سالالاردا ەكى ەلدىڭ الەۋەتى جوعارى ەكەنىن اتاپ ءوتتى.
«قازاقستاندىق تاراپ گرۋزين ءدالىزى بويىنشا جۇك اينالىمىن ۇلعايتۋعا مۇددەلى. 2022 جىلى قازاقستان گرۋزين ءدالىزى بويىنشا 2-3 ملن تونناعا دەيىن مۇناي تاسىمالداۋدى جوسپارلاپ وتىر. سونداي-اق الداعى جىلدارى بۇل كورسەتكىشتى ودان ءارى ارتتىرماق»، - دەلىنگەن حابارلامادا. سونىمەن قاتار ەۋروپاعا جۇك تاسىمالداۋعا بارىنشا دايىن ەكەنى ايتىلدى.