ايىپپۇل سوماسى 1 ملن 541 مىڭ تەڭگەنى قۇرادى.
30 جاستاعى الماتىلىق ازامات ءبىر تاۋلىك ىشىندە 92 رەت جول ەرەجەسىن بۇزعان. وعان سالىناتىن ايىپپۇل سوماسى 1 ملن 541 مىڭ تەڭگەنى قۇرادى، دەپ حابارلايدى Almaty-akshamy.kz.
26 ساۋىردە الماتى تۇرعىنى جالعان نومىرمەن ءجۇرىپ، بىرنەشە رەت جول ەرەجەسىن بۇزعان. پوليسەيلەر ونى «قورعاۋ سەرگەك» ينتەللەكتۋالدى بەينەباقىلاۋ جۇيەسىنىڭ كومەگىمەن انىقتادى.
«وتكەن تاۋلىكتە عانا «قورعاۋ سەرگەك» جۇيەسى قالا جولدارىندا جالعان ءنومىر پايدالانعان 11 اۆتوكولىك جۇرگىزۋشىسىن انىقتادى. ولار جالپى سوماسى 12 ملن تەڭگەدەن اساتىن 790 قۇقىقبۇزۋشىلىققا جول بەردى. قۇقىقبۇزۋشىلىققا قاتىسى بار اۆتوكولىكتەر انىقتالىپ، ارنايى ايىپ تۇراعىنا قامالدى»، – دەلىنگەن الماتى قالاسى پوليسيا دەپارتامەنتىنىڭ حابارلاماسىندا.
جىل باسىنان بەرى جالعان ءنومىر قولدانعانى ءۇشىن 171 جۇرگىزۋشىگە ايىپپۇل سالىنعان.