تەننيستەن قازاقستان قۇراماسىنىڭ ديەۆيس كۋبوگىنداعى قارسىلاستارى انىقتالدى

14-18 قىركۇيەكتە ءتورت قالادا وتەدى.

تەننيستەن قازاقستان قۇراماسىنىڭ ديەۆيس كۋبوگىنداعى قارسىلاستارى انىقتالدى، دەپ حابارلايدى Almaty-akshamy.kz Olympic.kz سىلتەمە جاساپ.

توپتىق كەزەڭ ماچتارى بيىلعى 14-18 قىركۇيەكتە ءتورت قالادا وتەدى. قازاقستان قۇراماسى D توبىندا گلازگو قالاسىندا كورت يەلەرى – ۇلىبريتانيا، سونداي-اق اقش جانە نيدەرلاندى قۇرامالارىمەن وينايدى. 2019 جىلى مادريدتە قازاقستاندىقتار توپتىق كەزەڭدە ۇلىبريتانيا جانە نيدەرلاندى تەننيسشىلەرىمەن سىنعا تۇسكەن بولاتىن. وندا قازاقستان قۇراماسى نيدەرلاندىلىقتاردان 2:1 ەسەبىمەن باسىم ءتۇسىپ، ءدال سونداي ەسەپپەن ۇلىبريتانيالىقتارعا جول بەرگەن ەدى. ال اقش قۇراماسىمەن العاش رەت شەبەرلىك بايقاسپاق.

سونداي-اق A توبىندا بولونيادا يتاليا، حورۆاتيا، ارگەنتينا، شۆەسيا قۇرامالارى ءوزارا كۇشتىنى انىقتايدى. ۆ توبىندا ۆالەنسيادا يسپانيا، كانادا، سەربيا جانە وڭتۇستىك كورەيانىڭ جولدارى تۇيىسەدى. C توبىندا گامبۋرگتە گەرمانيا، فرانسيا، بەلگيا جانە اۋستراليا قۇرامالارى كورتقا شىعادى.

ديەۆيس كۋبوگىنىڭ توپتىق كەزەڭى العاش رەت ءتورت قالادا وتسە، پلەي-وفف باسەكەلەرى مالاگادا بولادى. پلەي-وفف كەزەڭىنە ءار توپتان ەكى ۇزدىك كوماندا جولداما الادى. كۋبوكتىڭ شەشۋشى ويىندارى 23-27 قاراشادا ءوتىپ، جەڭىمپاز انىقتالادى.