5–9 قاراشا ارالىعىندا الماتى قالاسىندا Zarina Altynbayeva Youth Music Competition (ZAYMC 2025) — جاس مۋزىكانتتاردىڭ V حالىقارالىق اكادەميالىق بايقاۋىنىڭ فينالى وتەدى.
ZAYMC — جاس تالانتتاردى قولداۋعا، ولاردىڭ كاسىبي دەڭگەيىن ارتتىرۋعا جانە حالىقارالىق شىعارماشىلىق بايلانىستاردى نىعايتۋعا باعىتتالعان بەدەلدى جوبا.
بيىلعى جىلدىڭ تاقىرىبى — «تۇركى الەمى حالىقتارىنىڭ جانە كومپوزيتورلارىنىڭ مۋزىكاسى»، ول مادەني داستۇرلەردىڭ ساباقتاستىعى مەن بىرلىگىن بەينەلەيدى.
جوبانىڭ نەگىزىن قالاۋشى ءارى كوركەمدىك جەتەكشىسى — قازاقستان رەسپۋبليكاسىنىڭ ەڭبەك سىڭىرگەن قايراتكەرى، اباي اتىنداعى قازاق ۇلتتىق وپەرا جانە بالەت تەاترىنىڭ جەتەكشى ءسوليسى زارينا ءانۋار قىزى التىنبايەۆا.
بايقاۋعا 150-دەن استام ءوتىنىم قابىلدانىپ، ونلاين ىرىكتەۋ ناتيجەسىندە 10–17 جاس ارالىعىنداعى 46 قاتىسۋشى فينالعا ءوتتى. تىڭداۋلار قۇرمانعازى اتىنداعى قازاق ۇلتتىق كونسەرۆاتورياسىنىڭ ە. راحمادييەۆ اتىنداعى ۇلكەن زالىندا وتەدى. كونسەرۆاتوريا بايقاۋدىڭ باس سەرىكتەسى بولىپ تابىلادى.
حالىقارالىق قازىلار القاسىنىڭ قۇرامىنا اكادەميالىق ونەردىڭ كورنەكتى قايراتكەرلەرى ەندى:
(تۇركيا)، ەگيانا احۋندوۆا (ازەربايجان)، فەرۋزا حالداروۆا (وزبەكستان)، دەنيس شاپوۆالوۆ (رەسەي)، ەرنيس اسانالييەۆ (قىرعىزستان)، گاۋحار تاسبەرگەنوۆا، رۋسلان تالاس، دينا حامزينا (قازاقستان) جانە حاسان نيازي تۋرا (تۇركيا).
بايقاۋ قورىتىندىسىندا بارلىق نوميناسيالار مەن جاس ساناتتارى بويىنشا ۇزدىك قاتىسۋشىلار انىقتالادى. نەگىزگى جۇلدەلەرمەن قاتار، تۇركى الەمى شىعارماسىن ۇزدىك ورىنداۋ، سونداي-اق بيبىگۇل تولەگەنوۆا، مارات بيسەنعالييەۆ جانە گۇلسىن وڭاي اتىنداعى ارنايى سىيلىقتار تاعايىندالعان. اپتا بويى قازىلار القاسى مۇشەلەرىنىڭ شەبەرلىك ساباقتارى، Q&A سەسسيالارى جانە اشىق دارىستەرى وتكىزىلەدى.
ZAYMC 2025 ءبىلىم بەرۋ باستامالارىنىڭ ماڭىزدى جوبالارىنىڭ ءبىرى — «تۇركى كومپوزيتورلارىنىڭ انتولوگياسى» (Volume I، 2025). بۇل — قازاقستان، تۇركيا، ازەربايجان، قىرعىزستان، وزبەكستان جانە تۇرىكمەنستان كومپوزيتورلارىنىڭ شىعارمالارىن بىرىكتىرەتىن العاشقى نوتالىق جيناق.
بايقاۋ 9 قاراشا كۇنى اباي اتىنداعى قازاق ۇلتتىق وپەرا جانە بالەت تەاترىندا وتەتىن گالا-كونسەرتپەن جانە ماراپاتتاۋ راسىمىمەن اياقتالادى. باعدارلامادا اباي، لاتيف حاميدي، فيكرەت ءاميروۆ، احمەت ادنان سايگۋن، مۇحتار ءاشرافي جانە الەمدىك كلاسسيكا اۆتورلارىنىڭ تۋىندىلارى ورىندالادى. ديريجەرلىك پۋلتتە — حاسان نيازي تۋرا (تۇركيا) جانە قازاقستان رەسپۋبليكاسىنىڭ ەڭبەك سىڭىرگەن قايراتكەرى نۇرجان بايبۋسينوۆ.2019 جىلى نەگىزى قالانعان ZAYMC بايقاۋى بۇگىندە قازاقستاننىڭ اكادەميالىق مۋزىكا ومىرىندەگى ماڭىزدى وقيعالاردىڭ بىرىنە اينالدى. باستى ماقساتى — تۇركى الەمىنىڭ جاڭا مۋزىكالىق زيالى قاۋىمىن قالىپتاستىرۋ، ال ونىڭ بىرەگەي ەرەكشەلىگى – بارلىق قاتىسۋشىلار ءۇشىن تەگىن وتكىزىلۋى بولىپ تابىلادى.
بيىلعى ZAYMC فينالىنىڭ ەرەكشەلىگى ءبىر ساحنادا جاس دارىندار مەن الەمدىك دەڭگەيدەگى مۋزىكانتتار ونەر كورسەتەدى.
كورەرمەندەردى قازىلار القاسى مۇشەلەرىنىڭ، بەلگىلى شەبەرلەردىڭ جانە قاتىسۋشىلاردىڭ شابىتقا تولى اسەرلى ورىنداۋلارى كۇتەدى.
قاتىسۋشى ارتىستەر:
ەگانا احۋندوۆا (ازەربايجان)
گيۋلسين وناي (تۇركيا)
ەرنيس اسانالييەۆ (قىرعىزستان)
دەنيس شاپوۆالوۆ (رەسەي)
زارينا التىنبايەۆا (قازاقستان)
ءىس-شارالار كەستەسى
5 قاراشا، ساعات 16:00
باعدارلاما: ZAYMC بايقاۋىنىڭ نەگىزىن قالاۋشى جانە كوركەمدىك جەتەكشىسى زارينا التىنبايەۆانىڭ قۇتتىقتاۋ ءسوزى، قاتىسۋشىلارمەن تانىسۋ جانە جەرەبە تارتۋ ءراسىمى.
وتەتىن ورنى: قۇرمانعازى اتىنداعى قازاق ۇلتتىق كونسەرۆاتورياسى، ە. راحمادييەۆ زالىندا
6–7 قاراشا — بايقاۋ كۇندەرى (كەستە بويىنشا).
9 قاراشا، ساعات 15:00 — گالا-كونسەرت جانە ماراپاتتاۋ ءراسىءمى
وتەتىن ورنى: اباي اتىنداعى قازاق ۇلتتىق وپەرا جانە بالەت تەاترى