پارلامەنت ءماجىلىسىنىڭ دەپۋتاتى، "AMANAT" پارتياسى فراكسياسىنىڭ مۇشەسى تەمىر قىرىقپايەۆ قارجى نارىعىن رەتتەۋ جانە دامىتۋ اگەنتتىگىنىڭ ءتورايىمى ءمادينا ءابىلقاسىموۆاعا ءوندىرىپ الۋدان قورعالاتىن الەۋمەتتىك شوت ەنگىزۋ باستاماسى مەن شوتى بۇعاتتالعان ازاماتتارعا ارنالعان تاسىلدەر تۋرالى سۇرادى، - دەپ حابارلايدى aqshamnews.kz ءتىلشىسى.
"كەيىنگى مالىمەتتەرگە سايكەس، ەلىمىزدە شامامەن 38 ميلليوننان اسا شوت بۇعاتتالىپ تۇر. مەن ازاماتتاردىڭ ەڭ تومەنگى تابىسىن قورعاۋ جانە ءوندىرىپ الۋشىلار مەن بورىشكەرلەر قۇقىقتارىنىڭ تەڭگەرىمدى ساقتالۋىن قامتاماسىز ەتۋ ماقساتىندا زاڭ جوباسىنا قورعالعان الەۋمەتتىك شوت نەمەسە ارنايى بانكتىك شوت اشۋ تۋرالى ۇسىنىس بەردىم"، – دەيدى دەپۋتات.
ول مۇنداي شوتقا ايىنا 300 مىڭ تەڭگەگە دەيىنگى سوماداعى تۇسىمدەرگە ءوندىرىپ الۋ شارالارى قولدانىلمايتىنىن ايتىپ ءوتتى.
"ءسىز ازاماتتارعا ايىنا 300 مىڭ تەڭگەگە دەيىنگى سومادا ءوندىرىپ الۋدان قورعالاتىن الەۋمەتتىك شوت ەنگىزۋ باستاماسىنا قالاي قارايسىز جانە شوتى بۇعاتتالعان ازاماتتار ءۇشىن ءسىزدىڭ اگەنتتىك قانداي تاسىلدەر قاراستىرىپ جاتىر؟" – دەپ دەپۋتات ءمادينا ءابىلقاسىموۆاعا ساۋالىن جولدادى.