ەلدە جاڭا باپ كۇشىنە ەنگەننەن كەيىن ەكى اي ىشىندە جەتى ءىس قوزعالدى
قازاقستاندا "ماجبۇرلەپ نەكە قيۋ" تۋرالى قىلمىستىق كودەكستىڭ جاڭا بابى كۇشىنە ەنگەننەن بەرى 15 ادام ۇستالدى، - دەپ حابارلايدى aqshamnews.kz.
2025 جىلدىڭ 16 قىركۇيەگىنەن باستاپ قىلمىستىق كودەكسكە 125-1-باپ - 1ماجبۇرلەپ نەكە قيۋ1 ەنگىزىلگەن. بۇل باپ ادامنىڭ ەركىنە قارسى ونى نەكەگە تۇرۋعا نەمەسە بىرگە تۇرۋعا ماجبۇرلەۋ، سونداي-اق سول ماقساتتا ادامدى ۇرلاۋ ارەكەتتەرى ءۇشىن جاۋاپكەرشىلىكتى كوزدەيدى.
ىشكى ىستەر مينيسترلىگىنىڭ مالىمەتىنشە، اتالعان باپ كۇشىنە ەنگەننەن بەرى پوليسيا جەتى قىلمىستىق ءىس تىركەگەن. مۇنداي قۇقىقبۇزۋشىلىقتار قاراعاندى، ماڭعىستاۋ، جامبىل، تۇركىستان وبلىستارىندا جانە شىمكەنت قالاسىندا انىقتالعان.
"جۇرگىزىلگەن ءىس-شارالار بارىسىندا 15 ادام ۇستالدى. ءار ءىس بويىنشا سوتقا دەيىنگى تەرگەۋ امالدارى ءجۇرىپ جاتىر، بارلىق ءمان-جايلار انىقتالۋدا"، – دەپ حابارلادى ءىىم.
پوليسيا ازاماتتاردى قالىڭدىقتى الىپ قاشۋ نەمەسە ماجبۇرلەپ نەكەگە تۇرعىزۋ فاكتىلەرى تۋرالى دەرەۋ حابارلاۋعا شاقىردى.
ۆەدومستۆو وكىلدەرىنىڭ ايتۋىنشا، مۇنداي قىلمىس ءۇشىن جەتى جىلعا دەيىن باس بوستاندىعىنان ايىرۋ، ال اۋىرلاتاتىن جاعدايلاردا ون جىلعا دەيىن جازا قاراستىرىلعان.