بۇل جولعى تۇماۋدىڭ ءجونى بولەك پە؟! الەۋمەتتىك جەلىگە كىرسەڭىز، "بالام بەلگىسىز ۆيرۋسپەن اۋىرىپ جاتىر"، "اۋرۋحانالاردا ورىن جوق" دەگەن جازبالاردان كوز سۇرىنەدى. اۋىرعان ناۋقاستاردى، اسىرەسە دەنە قىزۋىنىڭ 40 گرادۋستان تۇسپەۋى ابىگەرگە سالۋدا. دەنساۋلىق ساقتاۋ مينيسترلىگى بۇل جاعدايعا قاتىستى بىلاي دەپ وتىر، - دەپ حابارلايدى aqshamnews.kz ءتىلشىسى "كتك" تەلەارناسىنا سىلتەمە جاساپ.
دارىگەرلەردىڭ ايتۋىنشا، تۇماۋمەن قاتار كوۆيد ۆيرۋسى دا ءجۇر.
"ءيا، بۇل - ماۋسىمداعى جاعداي. ياعني ءقازىر مونيتورينگ بويىنشا، تۇماۋ جانە باسقا دا رەسپيراتورلىق اۋرۋلار ءورشىپ تۇرعان جوق. ول تەك ماۋسىمداعى كەزەڭ. تۇماۋمەن قاتار كوۆيد ۆيرۋسى دا اينالىمدا ءجۇر. ول ستراتۋس دەگەن وميكروننىڭ باسقا ءتيپى. ونىڭ باسقا تيپتەرىنەن ايىرماشىلىعى — تەز جۇعادى. ءبىراق ءبىزدى الاڭداتپايتىنى — اۋىر جاعدايعا سيرەك الىپ كەلەدى"، - دەدى دسم قوعامدىق دەنساۋلىق ساقتاۋ ورتالىعى باسقارما ءتوراعاسىنىڭ ورىنباسارى مانار سماعۇل.