الماتى قالاسىندا پرەزيدەنتتىڭ «تازا قازاقستان» باستاماسى اياسىندا اباتتاندىرۋ مەن تازالىق جۇمىستارىن بەلسەندى تۇردە جالعاستىرىپ جاتىر. وڭىرلىك كوممۋنيكاسيالار قىزمەتىند المالى اۋدانىنىڭ اكىمى ارمان شامشين وسى جۇمىستاردىڭ ناتيجەسى مەن اۋقىمى تۋرالى باياندادى، - دەپ حابارلايدى اqshamnews.kz ءتىلشىسى.
اكىمنىڭ ايتۋىنشا، اۋلالاردى، كوشەلەردى، ساياباقتار مەن قوعامدىق كەڭىستىكتەردى تازالاۋ – جايلى قالالىق ورتانى قالىپتاستىرۋدىڭ ماڭىزدى بولىگى.
«بۇل باعىتتا جۇيەلى جۇمىس جۇرگىزىپ كەلەمىز. ءبىزدىڭ ماقساتىمىز – ءار تۇرعىن ءۇشىن تازا، جايلى اۋدان قالىپتاستىرۋ»، - دەدى ارمان شامشين.
اۋداننىڭ كوشە-جول جەلىسىن سانيتارلىق تازالاۋمەن ءۇش مەردىگەر ۇيىم اينالىسادى. قىزمەت كورسەتۋ اۋماعىنا جالپى ۇزىندىعى 186،6 شاقىرىمدى جانە 3،6 ملن شارشى مەتردى قامتيتىن 110 كوشە كىرەدى. تازالىق جۇمىسىنا 340 جۇمىسشى مەن 162 ارناۋلى تەحنيكا تارتىلعان. تۇرعىنداردان كەلىپ تۇسەتىن وتىنىشتەرگە جەدەل ارەكەت ەتۋ ءۇشىن تاۋلىك بويى كەزەكشىلىك اتقاراتىن ءۇش جەدەل توپ جۇمىس ىستەيدى.
بۇدان بولەك، اۋداندا 861 اۋلا اۋماعى بار (ولار 3،0 ملن م² اۋماقتى قامتيتىن 425 بولىمشەگە بىرىكتىرىلگەن). مۇندا بەس مەردىگەر ۇيىمنىڭ 345 جۇمىسشىسى مەن 45 ارنايى تەحنيكاسى ەڭبەك ەتىپ جاتىر.
اۋداننىڭ قاراماعىندا 22 الاڭقاي، 1 پارك، 5 بۋلۆار مەن 20 جاسىل ايماق بار. بۇلاردا كۇن سايىن 113 جۇمىسشى مەن 25 تەحنيكا قىزمەت كورسەتەدى.
مەردىگەر ۇيىمدار:
• «Get Target» ج ش س (نازاربايەۆ – اباي – بايزاقوۆ – رايىمبەك كوشەلەرىنىڭ اۋماعى): 16 الاڭقاي، 4 بۋلۆار، 13 جاسىل ايماق، 63 جۇمىسشى جانە 15 تەحنيكا.
• «سامعاۋ گرۋپپ» ج ش س (بايزاقوۆ – اباي – سايران – رايىمبەك اۋماعى): 1 پارك، 6 سكۆەر، 1 بۋلۆار، 7 جاسىل ايماق، 50 جۇمىسشى جانە 10 تەحنيكا.
جىل باسىنان بەرى اۋداندا «تازا قازاقستان» باستاماسى اياسىندا 62 ەكولوگيالىق اكسيا ءوتىپ، 5 350 تەكشە مەتردەن استام قوقىس شىعارىلدى.
اكسيالارعا اۋدان تۇرعىندارى، ءماسليحات دەپۋتاتتارى، شاعىن جانە ورتا بيزنەس وكىلدەرى، ەرىكتىلەر، جاستار ۇيىمدارى، كوممۋنالدىق قىزمەتتەر، سونداي-اق مەكتەپتەر مەن ەمحانالار ۇجىمدارى قاتىستى.
«اپتا سايىن سەنبىلىك وتكىزۋ جاقسى داستۇرگە اينالدى. المالى تۇرعىندارى ەكولوگيالىق اكسيالارعا بەلسەندى قاتىسىپ، قالانىڭ تازالىعىنا ءبارى جاۋاپتى ەكەنىن كورسەتىپ كەلەدى»، - دەپ اتاپ ءوتتى اۋدان اكىمى.
المالى اۋدانىنداعى سانيتارلىق تازالاۋ جانە اباتتاندىرۋ جۇمىستارى تۇراقتى نەگىزدە جۇرگىزىلىپ، جىل بويى جالعاسادى.