3 قاراشادا كەشكى ساعات 18:30 شاماسىندا "102" ارناسىنا 11 جاستاعى سايانا ەسىمدى قىزدىڭ جوعالعانى تۋرالى حابار كەلىپ تۇسكەن. ساباقتان شىققاننان كەيىن ۇيىنە ورالماعان قىزدى اتا-اناسى، تۋعان-تۋىسى مەن 200 پوليسەي ىزدەگەن، - دەپ حابارلايدى aqshamnews.kz ءتىلشىسى.
اباي وبلىسىنىڭ پوليسيا دەپارتامەنتىنىڭ مالىمەتىنشە، كوشەدە اداسىپ جۇرگەن قىزدى فاريزا ەسىمدى بويجەتكەن تاۋىپ الىپ، پوليسياعا حابارلاسقان.
"ساباقتان كەيىن ۇيىنە قايتپاعان قىزدى ىزدەۋگە قالا پوليسياسىنىڭ بارلىق قىزمەتتەرى جۇمىلدىرىلدى. بەينەباقىلاۋ كامەرالارى مەن ىزدەۋ جۇمىستارى ارقىلى سايانا بىرنەشە كوشەدەن وتكەنىن بىلدىك. سەمەي قالاسىندا تۇراتىن فاريزا ەسىمدى ازاماتشانى قىراعىلىق تانىتىپ، جالعىز جۇرگەن قىزدان ءجون سۇراعان. ونىڭ قىراعىلىعىنىڭ ارقاسىندا قىزدى امان-ەسەن اتا-اناسىنا تاپسىردىق"، - دەپ حابارلايدى اباي وبلىسىنىڭ پوليسيا دەپارتامەنتى.
پوليسيا دەپارتامەنتىنىڭ باسشىلىعى 11 جاستاعى قىزدى تاۋىپ بەرگەن بويجەتكەنگە العىس جاريالاماق.