2025 جىلدىڭ 25-30 قازان كۇندەرى ارالىعىندا الماتىدا «BI-جۇلدىزاي» قايىرىمدىلىق قورىنىڭ «MUMKINDIK» جوباسى اياسىندا پەدياتريا جانە بالالار حيرۋرگياسى عىلىمي ورتالىعىندا يتاليانىڭ «Ospedale del Cuore. Fondazine Toscana Gabriele Monasterio» (ماسسا ق.، يتاليا) كارديولوگيا ورتالىعىنىڭ ماماندارى: بالالار كارديوحيرۋگى ۆيتالي پاك، انەستەزيولوگ-رەانيماتولوگ ەليزا باربەري، بالالار كارديولىگى كيارا ماررونە قازاقستاندىق دارىگەرلەرگە شەبەرلىك ساباعىن وتكىزىپ، تاجىريبەلەرىمەن ءبولىستى، - دەپ حابارلايدى AqshamNews.kz.
شەبەرلىك ساباعىنا پەدياتريا ورتالىعىنىڭ بالالار كارديوحيرۋرگ ماماندارى، سونىمەن قاتار الماتى، تاراز، اقتوبە، استانا قالالارىنىڭ كارديوحيرۋرگتارى مەن كارديولوگتارى، انەستەزيولوگ-رەانيماتولوگتار مەن رەنتگەنحيرۋرگتار، ساۋلەلىك دياگنوستيكا ماماندارى مەن مەيىربيكەلەر قاتىستى.
شەبەرلىك ساباعى اياسىندا كۇردەلى جۇرەك وپەراسياسىن قاجەت ەتەتىن 6 بالاعا جۇرەك وتاسى جاسالىندى. قازىرگى تاڭدا بالالاردىڭ جاعدايلارى تۇراقتى، بارلىق بالالار وكپەنىڭ جاساندى جەلدەتۋ اپپاراتىنان اجىراتىلدى، 4 بالا بولىمشەگە ەمىن جالعاستىرۋعا اۋىستىرىلدى. بارلىق 6 بالاعا جاسالعان وتا ءساتتى، اسقىنۋسىز ءوتتى. وپەراسيالار ۋاقىتى 4 ساعاتتان 6 ساعاتقا دەيىن سوزىلدى.
ودان بولەك 80-نەن اسا بالاعا كونسۋلتاسيا جۇرگىزىلدى. وپەراسيادان كەيىنگى پاسيەنتەرگە رەانيماسيا بولىمشەسىندە كۇندەلىكتى قاراۋ جۇرگىزىلىپ، ديناميكادا باقىلانىپ، ەمى بويىنشا يتالياندىق ماماندارمەن بىرگە تۇزەتۋلەر ەنگىزىلدى.
يتاليانىڭ كارديوحيرۋرگ دارىگەرلەرى پەدياتريا ورتالىعىنىڭ كارديوحيرۋرگتارى مەن رەانيماتولوگتارىنىڭ جانە مەيىرگەرلەردىڭ كاسىبي دەڭگەيىنءىڭ جوعارى ەكەندىگىن اتاپ ءوتتى. سونىمەن قاتار، شەبەرلىك ساباقتارى مەن تاجىريبە الماسۋ جالعاساتىنىنا سەنىمدىلىك ءبىلدىرىپ، قازاقستاندىق جاس مامانداردى يتاليا ەلىنە بىلىكتىلىگتەرىن ارتتىرۋعا شاقىردى.
قازاقستانداعى بالالار كارديوحيرۋرگياسىنىڭ دامۋىنا ىقپال ەتىپ، بالالاردىڭ ساۋىعىپ كەتۋىنە جانە وتاندىق مامانداردىڭ دامۋىنا، كاسىبي دەڭگەيىن جەتىلدىرۋگە مۇمكىندىك بەرگەنى ءۇشىن «BI-جۇلدىزاي» قايىرىمدىلىق قورىنىڭ «MUMKINDIK» جوباسىنا ۇلكەن العىسىمىزدى بىلدىرەمىز!
