پاۆلودار وبلىسىنىڭ پروكۋراتۋراسى قىلمىستىق جولمەن الىنعان مۇلىكتى مەملەكەت كىرىسىنە قايتاردى، - دەپ حابارلايدى aqshamnews.kz ءتىلشىسى.
پاۆلودار وبلىسىنىڭ پروكۋراتۋراسى قانداستاردى كوشىرۋ جونىندەگى مەملەكەتتىك باعدارلامانى ىسكە اسىرۋ بارىسىندا بيۋدجەت قاراجاتىن جىمقىرۋ دەرەگى بويىنشا قوزعالعان قىلمىستىق ءىس اياسىندا مۇلىكتى تاركىلەۋ تۋرالى سوتالدى ءوندىرىستى باستادى.
تەرگەۋ بارىسىندا اۋعانستان رەسپۋبليكاسىنىڭ ازاماتى ءوزىنىڭ قازاق ۇلتىنا جاتاتىنى تۋرالى كورىنەۋ جالعان مالىمەتتەر مەن قۇجاتتار ۇسىنۋ ارقىلى الەۋمەتتىك تولەمدەردى زاڭسىز العانى انىقتالدى.
بۇل اقشاعا قۇنى 20 ملن تەڭگە بولاتىن پاتەر ساتىپ الىنعان.
قىلمىستىق جولمەن الىنعان كىرىستەردى زاڭداستىرۋعا جول بەرمەۋ ماقساتىندا پروكۋراتۋرا ورگاندارىنىڭ ءوتىنىشى بويىنشا سوت مۇلىكتى مەملەكەت كىرىسىنە تاركىلەۋ تۋرالى شەشىم قابىلدادى.
سوت اكتىسى زاڭدى كۇشىنە ەنگەن جوق.
الاياقتىق دەرەگى بويىنشا سوتالدى تەرگەپ-تەكسەرۋ قىلمىستىق قۋدالاۋ ورگانى تاراپىنان جۇرگىزىلىپ جاتىر.
پاۆلودار وبلىسىندا قىلمىستىق جولمەن الىنعان مۇلىك مەملەكەتكە قايتارىلدى
- 15:47، 05 اقپان 2026
agroinfo.kz