الماتى قالاسىنىڭ اكىمى دارحان ساتىبالدىنىڭ جۇڭگو حالىق رەسپۋبليكاسىنا جۇمىس ساپارى اياسىندا ول Shanghai Overseas Chinese Commercial Center ايگىلى جۇڭگو كومپانياسى باس ديرەكتورىنىڭ ورىنباسارى گابريەل رەي چيح لە مەرەديتپەن كەزدەستى. كەلىسسوز بارىسىندا تاراپتار قۇرىلىس سالاسىنداعى سەرىكتەستىك بولاشاعىن تالقىلاپ، نيەتتەستىك جونىندەگى الدىن الا كەلىسىمگە قول قويدى.
Shanghai Overseas Chinese Commercial Center وكىلدەرى الماتىدا قۇرىلىس جوبالارىن جۇزەگە اسىرۋعا قىزىعۋشىلىق ءبىلدىردى.
تاراپتار قازاقستان مەن جۇڭگو اراسىنداعى ەكونوميكالىق جانە مادەني بايلانىستى نىعايتۋدىڭ، سونداي-اق تۇراقتى قالالىق سەرىكتەستىكتى دامىتۋدىڭ ماڭىزىن جەتكىزدى.
ايتا كەتەيىك، Shanghai Overseas Chinese Commercial Center – حالىقارالىق جوبالاردى قولداۋعا جانە ىسكەرلىك باستامالاردى دامىتۋعا باعىتتالعان كەڭ اۋقىمدى كوممەرسيالىق، ينۆەستيسيالىق جانە كونسالتينگتىك قىزمەت كورسەتەتىن ءىرى ىسكەرلىك كەشەن.