تۇركىستان وبلىسىندا التىندى زاڭسىز ءوندىرۋ دەرەگى انىقتالدى، - دەپ حابارلايدى aqshamnews.kz ءتىلشىسى.
تۇركىستان وبلىسى سوزاق اۋدانىندا التىن قۇرامدى ۋچاسكەلەرىن ءوز بەتىنشە يگەرۋمەن اينالىسقان تۇلعالار توبى انىقتالدى.
تەكسەرۋ بارىسىندا 12 تۇلعا رۇقسات قۇجاتتارىنسىز، ەكولوگيالىق زاڭنامانى جانە وندىرىستىك قاۋىپسىزدىك تالاپتارىن بۇزا وتىرىپ، شامامەن 451 گرامم التىندى زاڭسىز وندىرگەنى انىقتالدى.
بۇل دەرەكتەر بويىنشا قازاقستان رەسپۋبليكاسى قىلمىستىق كودەكسىنىڭ 295-1-بابى 1 جانە 3-بولىكتەرىندە كوزدەلگەن قۇقىق بۇزۋشىلىق بەلگىلەرىمەن سوتالدى تەرگەپ-تەكسەرۋ باستالدى.
كۇدىكتى تۇلعالارعا قاتىستى قاجەتتى تەرگەۋ ارەكەتتەرى جۇرگىزىلىپ، 5 كۇدىكتىگە قاتىستى ءۇيقاماق تۇرىندەگى بۇلتارتپاۋ شاراسى قولدانىلدى.
پروكۋراتۋرا زاڭسىز پايدالى قازبالاردى ءوندىرۋ ەكولوگياعا ەلەۋلى ءقاۋىپ توندىرەتىنىن، مەملەكەتتىڭ ەكونوميكالىق قاۋىپسىزدىگىنە نۇقسان كەلتىرەتىنىن جانە قىلمىستىق جاۋاپتىلىققا اكەلەتىنىن ەسكەرتەدى.