الماتىدا ازىق-تۇلىك ينفراقۇرىلىمىن دامىتۋ، وتاندىق اۋىل شارۋاشىلىعى تاۋارىن وندىرۋشىلەردى قولداۋ جانە حالىقتى قولجەتىمدى باعامەن ساپالى ونىممەن قامتاماسىز ەتۋ جونىندەگى شارالاردى ىسكە اسىرۋ اياسىندا وتكىزىلەتىن دەمالىس كۇندەرى جارمەڭكەلەر جەلىسىن كەڭەيتۋ بويىنشا جۇيەلى جۇمىس جالعاسىپ كەلەدى.
جارمەڭكەلەر الماتى قالاسى اكىمدىگىنىڭ، كاسىپكەرلىك جانە ينۆەستيسيالار باسقارماسىنىڭ قولداۋىمەن وتكىزىلەدى. ولاردى ۇيىمداستىرۋشى – «الماتى» اكك» اق.
2025 جىلى قالانىڭ المالى، اۋەزوۆ، بوستاندىق، جەتىسۋ جانە مەدەۋ اۋداندارىنىڭ اۋماعىندا دەمالىس كۇندەرى 430 جارمەڭكە وتكىزىلدى. بيىل جارمەڭكەلەر سانىن 2،5 ەسەگە ۇلعايتۋ كوزدەلىپ وتىر. وسىعان بايلانىستى 2026 جىلدىڭ سوڭىنا دەيىن 1000-نان استام جارمەڭكە وتكىزۋ جوسپارلانعان.
سونىمەن قاتار، تۇركىستان، جەتىسۋ، الماتى، جامبىل، قاراعاندى، شىعىس قازاقستان، اباي وبلىستارىنىڭ، سونداي-اق وزبەكستان رەسپۋبليكاسى مەن تاجىكستان رەسپۋبليكاسىنىڭ فەرمەرلەرى قاتىساتىن كەڭەيتىلگەن اۋىل شارۋاشىلىعى جارمەڭكەلەرىن ۇيىمداستىرۋ قاراستىرىلعان. بۇل رەتتە، جاڭا پىسكەن كوكونىس ونىمدەرىن جەتكىزۋگە باسىمدىق بەرىلەدى.
اتالعان شارالار ءوڭىرارالىق كووپەراسيانى دامىتۋعا، قالانىڭ ازىق-تۇلىك نارىعىن نىعايتۋعا، وتاندىق شارۋالار ءۇشىن ءونىم وتكىزۋ ارنالارىنىڭ اياسىن كەڭەيتۋگە، سونداي-اق الماتى تۇرعىندارى ءۇشىن اۋىل شارۋاشىلىعى ونىمدەرىنىڭ قولجەتىمدىلىگىن ارتتىرۋعا، ونىڭ ىشىندە قالالىق ساۋدا جەلىلەرىنىڭ سورەلەرىندە كوبىرەك ۇسىنىلۋىنا مۇمكىندىك بەرەدى.
دەمالىس كۇنگى جارمەڭكەلەر وتەتىن مەكەنجايلار:
- المالى اۋدانى – ماسانچي كوشەسى (گوگول كوشەسى مەن ايتەكە بي كوشەسىنىڭ ارالىعى)؛
- اۋەزوۆ اۋدانى – وتەگەن باتىر كوشەسى (اباي داڭعىلىنان تومەن)؛
- بوستاندىق اۋدانى – «قازاقفيلم» ش/ا، يسينالييەۆ كوشەسى؛
- جەتىسۋ اۋدانى – «قۇلاگەر» ش/ا، حقكو مەن اكىمدىك عيماراتى اراسىنداعى اۆتوتۇراق؛
- مەدەۋ اۋدانى – مەڭدىقۇلوۆ بۋلۆارى (بەكتۇروۆ كوشەسىنىڭ قيىلىسى).