شىمكەنت پوليسيا دەپارتامەنتىنە جاڭا باسشى تاعايىندالدى، - دەپ حابارلايدى aqshamnews.kz ءتىلشىسى.
ىشكى ىستەر ءمينيسترى ەرجان سادەنوۆ شىمكەنت پوليسيا دەپارتامەنتىندە كوشپەلى كەڭەس وتكىزدى.
"جيىن بارىسىندا ءىىم باسشىسى جەكە قۇرامعا شىمكەنت پوليسيا دەپارتامەنتىنىڭ جاڭا باسشىسى مۇحتار قوجايەۆتى تانىستىردى. ول بۇعان دەيىن ءىىم تەرگەۋ دەپارتامەنتىن باسقارعان. پوليسيا گەنەرال-مايورىنىڭ باسقارۋ، تەرگەۋ سالاسىندا مول تاجىريبەسى بارى، تەرگەۋشىدەن باستاپ ورتالىق اپپارات دەپارتامەنتى باسشىسىنا دەيىنگى قىزمەت جولىنان وتكەنى ايتىلدى"، - دەپ جازىلعان حابارلامادا.
نۇرايدىڭ ولىمىنە قاتىستى ءىس
ەسكە سالايىق، 11 قاڭتاردا شىمكەنتتە پىشاق جاراقاتتارىنان 21 جاستاعى قىز كوز جۇمدى. كەيىن كۇدىكتى قالا اۋماعىنان شامامەن 10 شاقىرىم قاشىقتاعى اشىق جەردە ۇستالدى.
جاقىندارىنىڭ ايتۋىنشا، كۇدىكتى قىزدىڭ ارقا تۇسىنا جەتى رەت پىشاق سۇققان، بەتىن تىلگەن، موينىن وسىپ جىبەرگەن. ولار مۇنى قاساقانا دايىندالعان اسا اۋىر قىلمىس دەپ سانايدى. سوندىقتان ءادىل تەرگەۋدى، قاتاڭ جازانى تالاپ ەتىپ وتىر.
پرەزيدەنت 20 قاڭتاردا وتكەن ۇلتتىق قۇرىلتايدا نۇرايدىڭ ولىمىنە قاتىستى جاعدايعا پىكىر ءبىلدىردى.
وسىلايشا شىمكەنت پوليسياسىنىڭ باسشىسى نۇرلان الماسبەكوۆ ستۋدەنت نۇراي سەرىكبايدىڭ ولىمىنە قاتىستى ىستەن كەيىن جۇمىستان شىعارىلدى.