الماتى وبلىسىندا ءبۇتىن ءبىر وتباسى ءولى تابىلدى. بۇل اقپاراتتى وبلىستىق تجد راستادى، - دەپ حابارلايدى aqshamnews.kz ءتىلشىسى.
وقيعانىڭ ءمان-جايى
قايعىلى وقيعا رايىمبەك اۋدانىنداعى سارىباستاۋ اۋىلىندا بولعان. الەۋمەتتىك جەلىدە قازا تاپقانداردىڭ اراسىندا 1955 جانە 1974 جىلى تۋعان ەكى ەر ادام، 1984 جىلعى ايەل جانە ءبىر جارىم جاستاعى قىز بالا بار ەكەنى جازىلدى. سونداي-اق، وتباسى قىستاۋدا تۇرعانى ايتىلعان.
تجد-نىڭ رەسمي مالىمدەمەسى
الماتى وبلىستىق تجد دەرەگىنشە، سارىباستاۋ اۋىلىنداعى شارۋا قوجالىعى اۋماعىندا بولعان وقيعا تۋرالى حابار 2 اقپاندا تۇسكەن.
"جەكە تۇرعىن ۇيدەن تۋىسى ءتورت ادامنىڭ ءمايىتىن تاپتى. وقيعانىڭ ءمان-جايى انىقتالىپ جاتىر. ءولىم سەبەپتەرىن ناقتىلاۋ ءۇشىن سوت-مەديسينالىق ساراپتاما تاعايىندالدى"، – دەپ مالىمدەدى الماتى وبلىستىق تجد باسپا ءسوز قىزمەتى.
وقيعا ورنىنا الماتى وبلىستىق تجد كۇشتەرى مەن قۇرالدارى، سونداي-اق، پوليسيا دەپارتامەنتىنىڭ قىزمەتكەرلەرى جانە جەرگىلىكتى اتقارۋشى ورگاندار بارعان. ءقازىر تەرگەۋ شارالارى جۇرگىزىلىپ جاتىر.