بىلتىر الماتى وبلىسىندا Toyota Alphard ماركالى كولىكتەردىڭ كەسىرىنەن 374 ادام جول اپاتىنان قازا تاپقان. «AMANAT» پارتياسى جانىنداعى سىبايلاس جەمقورلىققا قارسى ءىس-قيمىل جونىندەگى رەسپۋبليكالىق كەڭەستىڭ وتىرىسىندا جاۋاپتى ورگاندار جول اپاتىن ازايتۋ ءۇشىن قانداي شارالار قابىلداعانى تۋرالى ايتىلدى، - دەپ حابارلايدى aqshamnews.kz ءتىلشىسى Azattyq Rýhy-ىنا سىلتەمە جاساپ.
«تاكسي وپەراتورلارى — Yandex جانە inDrive كومپانيالارىمەن بىرلەسىپ، تەحنيكالىق تەكسەرىستەن وتپەگەن كولىكتەر مەن ءرولى وڭ جاقتاعى اۆتوكولىكتەردى، ياعني Alphard-تى، تاكسي قىزمەتىنە جىبەرمەۋ تۋرالى كەلىسىمگە كەلدىك. مۇنداي كولىكتەرمەن تاكسي جۇرگىزۋشىسى بولىپ جۇرگەندەر زاڭسىز جۇمىس ىستەپ وتىر»، — دەدى كولىك ۆيسە-مينيسترى ماقسات قالياقپاروۆ.
ونىڭ ايتۋىنشا، مۇنداي جۇمىستار جەرگىلىكتى اكىمدىكتەر تاراپىنان دا جۇرگىزىلەدى.
«كولىك تىركەلگەننەن كەيىن تەحنيكالىق تەكسەرىستەن ۋاقىتىلى ءوتۋى ءتيىس. سونىمەن قاتار، جۇرگىزۋشىلەر جىلىنا ەكى رەت مەديسينالىق تەكسەرۋدەن ءوتىپ وتىرۋى قاجەت. قازىرگى تاڭدا پيلوتتىق رەجيمدە استاناداعى اۆتوبۋس پاركىندە ونلاين مەديسينالىق تەكسەرىس ەنگىزدىك، الداعى ۋاقىتتا ونى بۇكىل ەلدە تاراتۋدى جوسپارلاپ وتىرمىز»، — دەدى ءمينيستردىڭ ورىنباسارى.
سونداي-اق، رەسپۋبليكالىق اۆتوجولداردا ورتاشا جىلدامدىق رەجيمى تومەندەتىلگەن. ناتيجەسىندە جول اپاتتارىنىڭ سانى 15 پايىزعا ازايدى، دەپ اتاپ ءوتتى قالياقپاروۆ.
ال ءماجىلىس دەپۋتاتى، «AMANAT» پارتياسى فراكسياسىنىڭ مۇشەسى ەرلان سايروۆ قازاقستاندىقتار تاكسي قىزمەتى ارقىلى تابىس تاۋىپ وتىرعانىن ەسكە سالىپ، شەشىم قابىلداردا ولاردىڭ دا مۇددەسىن ەسكەرۋ قاجەت ەكەنىن اتاپ ءوتتى.
ەسكە سالايىق، بۇعان دەيىن ءبىز Alphard نەگە "ءولىم كولىگى" اتانعانىن سارالاعان ەدىك.