استانا قالاسىنىڭ نۇرا اۋدانىنداعى تۇرعىن ءۇي كەشەنىندە ءبىر ەر ادام ليفت ىشىندە، ەكىنشىسى ليفت شاحتاسىندا قالىپ قويدى. ولاردى شىعارۋ ءۇشىن قۇتقارۋشىلارعا قۇرالدار قولدانۋعا تۋرا كەلگەن، دەپ حابارلايدى Aqshamnews.kz ءتىلشىسى.
قالالىق تجد مالىمەتىنشە، وقيعا 4 قاراشادا ساعات 05:11-دە بولعان. ءبىر تۇرعىن ليفت ىشىندە قالىپ قويسا، تاعى ءبىر ادامدى مەحانيزم قىسىپ قالۋى مۇمكىن دەگەن اقپارات تۇسكەن.
الەۋمەتتىك جەلىدە وقيعا ورنىنان ۆيدەو دا جاريالاندى.
"وقيعا ورنىنا جەتكەن جەدەل-قۇتقارۋ جاساعى قول قۇرالدارىنىڭ كومەگىمەن ليفت ەسىگىن اشىپ، 1994 جىلى تۋعان ەر ادامدى شىعاردى. سونىمەن قاتار ءليفتى قىزمەتى ماماندارىمەن بىرلەسىپ، 1987 جىلى تۋعان ەر ادامدى ليفت شاحتاسىنان كوتەرىپ الدى. ول مەديسينالىق بريگاداعا تاپسىرىلدى»، – دەپ حابارلادى تجد.