تارازدا بالاسىن اياۋسىز ۇرىپ، كۇيەۋىنەن كەگىن الماق بولعان ايەلدىڭ پسيحولوگيالىق جاي-كۇيى تەكسەرىلىپ جاتىر. ال ونىڭ بۇرىنعى كۇيەۋى بالالاردى ءوز قامقورىنا الۋ ءۇشىن بالالار ءۇيىنىڭ ماڭىن تورۋىلداپ ءجۇر، - دەپ حابارلايدى aqshamnews.kz ءتىلشىسى "كتك" تەلەارناسىنا سىلتەمە جاساپ.
قورداي اۋدانىنىڭ 26 جاستاعى تۇرعىنى بالالاردى الۋ ءۇشىن "بارىمدى سالامىن" دەپ بەكىنىپ وتىر. الايدا قورعانشى ورگان بالالاردىڭ اكە-شەشەسى زاڭدى نەكەدە بولماعاندىقتان، بوگدە ادامعا بەرىلمەيدى دەيدى. سونداي-اق، ول ەكىنشى بالاعا اكە قۇقىعىن الماعان كورىنەدى. ەندى ايدار مامىت ءوزىن ەكى بالانىڭ اكەسى ەكەنىن دالەلدەۋگە ءتيىس. ول ءۇشىن قۇجاتتارىن قۇنتتاپ، دنك ساراپتاماسىن جاساماق. سودان سوڭ بۇل مالىمەتتەر بالا قۇقىعىن قورعاۋ جونىندەگى كوميسسياعا جولدانادى.
ەسكە سالايىق، الەۋمەتتىك جەلىدە وتكەن اپتادا 19 جاستاعى ايەل ءوز بالالارىن ۇرىپ-سوققان ۆيدەوسى تاراعان ەدى. جۇرتشىلىقتى شوشىتقان وقيعادان كەيىن بەزبۇيرەك ايەل قاماۋعا الىندى.
"ماعان بالا كەرەك، بالانى ءارقاشان ءبىرىنشى ورىنعا قويامىن. ءقازىر بالامنىڭ اكەسى ەكەنىمدى دالەلدەۋ ءۇشىن جۇگىرەمىن. احات-قا بارامىن، سوتقا بارامىن. قولىمنان كەلگەنشە، سوڭعى دەمىم قالعانشا، بالا-شاعام ءۇشىن بارىنا دايىنمىن. ءقازىر كوبى ۇلكەن قىز قىزىڭىز ەمەس، نە ءۇشىن الايىن دەپ جاتىرسىز دەيدى. ايتادى عوي، قازاقتا بالا تاپقاندىكى ەمەس، باققاندىكى دەيدى. مەن ەكەۋىن دە جاقسى كورەمىن، ەكەۋىن بولمەيمىن"، - دەدى ايدار مامىت.