قازاقستاندا 5 اقپانداعى ساۋدا قورىتىندىسى بويىنشا دوللار باعامى بەلگىلى بولدى، - دەپ حابارلايدى aqshamnews.kz ءتىلشىسى.
قازاقستان قور بيرجاسى KASE-دەگى كۇندىزگى ساۋدا قورىتىندىسى بويىنشا دوللاردىڭ ورتاشا ولشەنگەن باعامى 495،10 تەڭگە بولدى. بۇل كورسەتكىش 3،36 تەڭگەگە تومەندەگەن.
ايتا كەتەيىك، دوللار باعامى كەيىنگى رەت وسى دەڭگەيدە 2025 جىلعى ناۋرىزدا بولعان. سول كەزدە، 11 ناۋرىزدا، دوللار ءتىپتى 490 تەڭگەدەن دە تومەن تۇسكەن ەدى.
ۇلتتىق بانكتىڭ 5 اقپانداعى رەسمي باعامى - 1 دوللار ءۇشىن 498،65 تەڭگە.
Kurs.kz دەرەكتەرىنە سايكەس، قازىرگى ۋاقىتتا استانا مەن الماتىداعى اقشا ايىرباستاۋ پۋنكتتەرىندەگى دوللاردىڭ ورتاشا باعامى تومەندەگىدەي:
الماتىداعى اقشا ايىرباستاۋ پۋنكتتەرىندە:
- ساتىپ الۋ – 494،55 تەڭگە؛
- ساتۋ – 497،46 تەڭگە.
استاناداعى اقشا ايىرباستاۋ پۋنكتتەرىندە:
- ساتىپ الۋ – ورتاشا ەسەپپەن 493 تەڭگە؛
- ساتۋ – 500 تەڭگە.