بۇگىن كونستيتۋسيالىق كوميسسيانىڭ كەزەكتى وتىرىسىندا ءبىرىنشى بولىپ ءسوز العان باس پروكۋروردىڭ ءبىرىنشى ورىنباسارى جاندوس ومىرالييەۆ جاڭا كونستيتۋسيانىڭ 18-بابىنىڭ قازاق جانە ورىس تىلىندەگى نۇسقالارىندا نەگە ايىرماشىلىق بار ەكەنىن ءتۇسىندىردى، - دەپ حابارلايدى aqshamnews.kz ءتىلشىسى.
«كوميسسيا قاراۋىنا كونستيتۋسيانىڭ 18-بابىنا قاتىستى ءبىرقاتار ۇسىنىستار كەلىپ ءتۇستى. زاڭگەرلەر مەن مامانداردىڭ پىكىرىنشە، زاڭ تەحنيكاسى تۇرىعىسىندا سۇراقتار بار. اتاپ ايتساق، وسى باپتىڭ ەكىنشى تارماعىندا «سوت شەشىمىنسىز ادامدى زاڭدا كوزدەلگەن مەرزىمىنەن ارتىق ۇستاۋعا بولمايدى» دەپ كورسەتىلگەن. بۇل دۇرىس جازىلعان ءماتىن. ءبىراق، ورىس تىلىندەگى اۋدارماسىندا «مەرزىمىنەن ارتىق ۇستاۋ» دەگەن شەشۋشى ۇعىم كورسەتىلمەي قالعان. سوندىقتان، كەيبىر ماماندار «سوت شەشىمىنسىز كۇدىكتىنى مۇلدە ۇستاۋعا بولمايدى» دەپ ءتۇسىنۋ ءقاۋىپى بار ەكەنىن ايتۋدا. قالىپتاسقان سوت تەرگەۋ تاجىريبەسى قيىندىققا تىرەلۋى مۇمكىن دەگەن پىكىرلەر بار. ءماتىن مازمۇنىنا قاراساق راسىندا دا ءدال سولاي. كىسى ءولتىرۋ، باسقا دا قوعامعا ءقاۋىپتى قىلمىستار كىدىرىستى كوتەرمەيتىنى ايدان انىق. قىلمىستى توقتاتۋ، كۇدىكتىنى ۇستاۋ، ونى دەرەۋ وقشاۋلاۋ قۇقىق قورعاۋ ورگاندارىنىڭ ەڭ نەگىزگى مىندەتتەرى. تەك وسىدان كەيىن ونى كۇزەتپەۋ ۇستاۋ شەشىمدى سوت قابىلدايدى. بۇل دۇنيەجۇزىلىك پراكتيكا»، - دەدى ومىرالييەۆ.
سوندىقتان، ول تالقىلاۋداعى وسى نورمانى ناقتىلاۋدى ۇسىندى.
«كونستيتۋسيا ەلىمىزدىڭ باستى قۇقىقتىق تەمىرقازىعى. ونىڭ ءاربىر نورماسى انىق جانە تۇسىنىكتى بولۋى كەرەك. ەكىۇشتى بولماۋ كەرەك. سوندىقتان، تالقىلاۋداعى وسى نورمانى قايتا قاراپ، ناقتىلاۋدى ۇسىنامىن»، - دەدى ومىرالييەۆ.