2026 جىلعى 5 اقپاندا الماتى قالاسىندا قالا اكىمىنىڭ ورىنباسارى ابزال نۇكەنوۆتىڭ قاتىسۋىمەن جۇمىس كەزدەسۋى ءوتتى. كەزدەسۋ اياسىندا ول قالالىق ءبىلىم بەرۋدەگى جاڭا تەحنولوگيالاردىڭ عىلىمي-ادىستەمەلىك ورتالىعىنىڭ قىزمەتىمەن تانىسىپ، ورتالىق ادىسكەرلەرىمەن پىكىر الماستى.
شارا اياسىندا اكىمنىڭ ورىنباسارىنا ادىستەمەلىك ورتالىقتىڭ نەگىزگى قىزمەت باعىتتارى، سونىڭ ىشىندە قالالىق ينكليۋزيۆتى رەسۋرستىق ورتالىق پەن قالالىق مەكتەپكە دەيىنگى رەسۋرستىق ورتالىقتىڭ جۇمىسى تانىستىرىلدى. ءبىلىم بەرۋ ۇيىمدارىن ادىستەمەلىك سۇيەمەلدەۋ تەتىكتەرى، سونداي-اق پەداگوگتەرگە وقۋ-تاربيە پروسەسى اياسىندا كورسەتىلەتىن ادىستەمەلىك قولداۋ تاسىلدەرى ۇسىنىلدى.
تالقىلاۋ كەزىندە ادىستەمەلىك جۇمىستىڭ مازمۇنىن جاڭارتۋ، اناليتيكالىق قۇرالداردى ەنگىزۋ، سيفرلىق رەسۋرستاردى دامىتۋ جانە ءبىلىم بەرۋ ۇيىمدارىنىڭ ناقتى سۇرانىستارىن ەسكەرە وتىرىپ، نىسانالى ادىستەمەلىك قولداۋدى كۇشەيتۋ ماسەلەلەرىنە ەرەكشە نازار اۋدارىلدى.
الماتى قالاسى اكىمىنىڭ ورىنباسارى ادىستەمەلىك ورتالىقتىڭ قىزمەتى تۇراقتى ءبىلىم بەرۋ ناتيجەلەرىن قامتاماسىز ەتۋدە ماڭىزدى ءرول اتقاراتىنىن جانە قالانىڭ ءبىلىم ساپاسىن باسقارۋ جۇيەسىندەگى نەگىزگى قۇرىلىمداردىڭ ءبىرى ەكەنىن اتاپ ءوتتى.
كەزدەسۋ قورىتىندىسى بويىنشا ادىستەمەلىك ورتالىقتىڭ الداعى دامۋ باعىتتارى ايقىندالىپ، باسىم مىندەتتەر بەلگىلەندى. ءبىلىم بەرۋ سالاسىنداعى اتقارىلىپ جاتقان جۇمىستاردىڭ ىلگەرىلەۋىن باعالاۋ ماقساتىندا كەلەسى جۇمىس كەزدەسۋىن اعىمداعى جىلدىڭ ناۋرىز ايىندا وتكىزۋ ۇسىنىلدى.