2026 جىلعى 6 اقپاندا الماتى قالاسىنىڭ بەلسەندى ۇزاق ءومىر ءسۇرۋ ورتالىعىندا «الاياقتىق: ءوزىڭىزدى جانە جاقىندارىڭىزدى قالاي قورعاۋعا بولادى» تاقىرىبىندا پروفيلاكتيكالىق ءدارىس ءوتتى. ءىس-شارا ەگدە جاستاعى ازاماتتاردى كەڭ تارالعان الاياقتىق سحەمالاردان قورعاۋعا باعىتتالدى.
اتالعان شارانىڭ ماقساتى — زەينەت جاسىنداعى ازاماتتاردىڭ قۇقىقتىق جانە قارجىلىق ساۋاتتىلىق دەڭگەيىن ارتتىرۋ، سونداي-اق ەگدە جاستاعى ادامدارعا قاتىستى الاياقتىققا بايلانىستى قۇقىقبۇزۋشىلىقتاردىڭ الدىن الۋ جانە پروفيلاكتيكا جۇرگىزۋ.
ءىس-شاراعا الماتى قالاسى بويىنشا ەكونوميكالىق تەرگەپ-تەكسەرۋ دەپارتامەنتى مەن الماتى قالاسى پوليسيا دەپارتامەنتىنىڭ قىزمەتكەرلەرى قاتىسىپ، الاياقتىقتىڭ ەڭ ءجيى كەزدەسەتىن تۇرلەرى، ولاردى انىقتاۋ جولدارى جانە جەكە قاۋىپسىزدىك شارالارى تۋرالى جان-جاقتى اقپارات بەردى. ءدارىس «زاڭ جانە ءتارتىپ» قاعيداتىن ىسكە اسىرۋ اياسىندا وتكىزىلدى.
كەزدەسۋ ينتەراكتيۆتى فورماتتا ءوتىپ، قاتىسۋشىلارعا ناقتى قىلمىستىق ىستەردەن الىنعان مىسالدار كورسەتىلدى، جابىرلەنۋشىلەر جىبەرەتىن تيپتىك قاتەلىكتەر تالداندى، سونداي-اق وزدەرىن جانە جاقىندارىن قورعاۋعا ارنالعان پراكتيكالىق ۇسىنىمدار بەرىلدى.ءىس-شاراعا قاتىسۋشىلار تاقىرىپقا ۇلكەن قىزىعۋشىلىق تانىتىپ، بەلسەندى تۇردە سۇراقتار قويىپ، جەكە تاجىريبەلەرىمەن ءبولىستى.