اقتاۋدا تاڭەرتەڭ 29ا ىقشاماۋدانىندا ورنالاسقان تەحنيكالىق جوندەۋ ورتالىعىندا (تجو) ءىرى ءورت شىقتى. ەكى قاباتتى نىسانداعى بەس گاراج بوكسىنىڭ ەكەۋىن جالىن شارپىپ، بىرنەشە كولىك تولىق جانىپ كەتكەن، دەپ حابارلايدى Aqshamnews.kz ءتىلشىسى Lada.kz-كە سىلتەمە جاساپ.
ماڭعىستاۋ وبلىستىق تجد مالىمەتىنشە، ءورت سالدارىنان ستانسيانىڭ ەكى قىزمەتكەرى زارداپ شەككەن. ەكەۋى دە وبلىستىق اۋرۋحاناعا اۋىر جاعدايدا جەتكىزىلىپ، جانساقتاۋ بولىمىنە جاتقىزىلعان. دارىگەرلەر ولاردىڭ جاساندى تىنىس الۋ اپپاراتىنا قوسىلعانىن حابارلادى. ءبىر زارداپ شەگۋشىدە كەڭ كولەمدى تەرميالىق كۇيىك، ەكىنشىسىندە II–III دارەجەلى كۇيىك جانە تىنىس جولدارىنىڭ ينگالياسيالىق زاقىمدانۋى انىقتالعان.
ءورت كەزىندە ستو ىشىندە تۇرعان ءۇش كولىككە زاقىم كەلگەن: ءبىرىنىڭ موتور بولىگى مەن سالونى جانىپ، تاعى ەكى كولىك تولىقتاي ورتەنگەن. عيمارات سىرتىندا تۇرعان اۆتوكولىكتەر دە زارداپ شەككەنى ايتىلادى. ءورت اۋماعى شامامەن 150 شارشى مەتردى قۇراعان (عيماراتتىڭ جالپى اۋماعى - 600 شارشى مەتر).
ءورت 09:21-دە وقشاۋلانىپ، 10:43-تە تولىق ءسوندىرىلدى. ءقازىر ءورتتىڭ شىعۋ سەبەبى انىقتالىپ جاتىر. ءورتتى سوندىرۋگە توتەنشە جاعدايلار قىزمەتى، پوليسيا جانە اپات مەديسيناسى قىزمەتى جۇمىلدىرىلعان.