جاڭا بەلەس.
قازاقستاننىڭ قوسىمشا قۇنى جوعارى ءونىم ءوندىرىسىنىڭ باسەكەگە قابىلەتتىلىگىن ارتتىرۋ، ەكسپورتقا شىعارىلاتىن وتاندىق تاۋار تۇرلەرىن كەڭەيتۋ، سونداي-اق ەكونوميكانىڭ قارقىندى دامۋىن قامتاماسىز ەتۋ ءۇشىن ينفراقۇرىلىمدى جەتىلدىرۋ، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
بۇل – قازاقستاننىڭ دامۋ بانكىنىڭ 2030 جىلعا دەيىنگى دامۋ ستراتەگياسىنا ەنگىزىلگەن وزگەرىستەر مەن تولىقتىرۋلار. بۇل جونىندە قارجى ينستيتۋتىنىڭ باسقارۋشى ديرەكتورى راحىمجان ساتايەۆ مالىمدەدى. ونىڭ ايتۋىنشا، بانك الداعى 9 جىلدا شيكىزاتتىق ەمەس سەكتورداعى وندىرىستەرگە باعىتتالعان جوبالاردى قارجىلاندىرۋعا باسىمدىق بەرمەك. وسىلايشا 2030 جىلعا قاراي بۇل باعىتتاعى وندىرىستەردىڭ ۇلەسى 50% كەم بولماۋى ءتيىس. سونداي-اق الداعى 10 جىلدا ينفروقۇرىلىمدىق جانە ينۆەستيسيالىق باستامالار ۇلكەن دەمەۋگە يە بولادى.
«جاڭارتىلعان دامۋ ستراتەگياسىندا بانك پەن بيزنەس اراسىندا نارىقتىق قارىم-قاتىناستى دامىتۋ ءۇشىن جەكە سەكتوردى ەكونوميكانى ءارتاراپتاندىرىپ، جاڭعىرتۋ باعىتىنا تارتاتىن جوبالارعا باسىمدىق بەرىلەتىن بولادى. ءبىز يندۋستريالدىق-يننوۆاسيالىق دامۋ جانە ينفروقۇرىلىمدىق دامۋ سىندى مەملەكەتتىك باعدارلامالاردىڭ نەگىزگى وپەراتورى بولىپ قالامىز. بۇعان قوسا ستراتەگيانى جاڭارتۋعا باعىتتالعان جوباعا تۇراقتى دامۋ قاعيدالارىن ورىنداۋعا قاتىستى ماقساتتى ەندىرۋدى ءجون دەپ شەشتىك»، - دەدى قدب باسقارۋشى ديرەكتورى راحىمجان ساتايەۆ.