الماتى قالاسىندا العاش رەت ەلىمىزدىڭ بارلىق وڭىرىنەن كەلگەن 9 – 10 سىنىپ وقۋشىلارى اراسىندا 11 مەملەكەتتىك كوللەدج بازاسىندا «JasSkills Kazakhstan – 2025» رەسپۋبليكالىق بايقاۋى ءوتتى. WorldSkills حالىقارالىق چەمپيوناتىنىڭ فورماتى مەن ستاندارتتارىنا سايكەس الماتى مەملەكەتتىك بيزنەس كوللەدجىندە «ناۋبايشى شەبەرلىگى» قۇزىرەتتىلىگى بويىنشا چەمپيونات ۇيىمداستىرىلدى.
10-عا جۋىق وڭىردەن جينالعان ءارى الىپ شاھارعا ءتىل ۇيىرەر اس ازىرلەۋگە كەلگەن وقۋشىلار – قالالىق كەزەڭنەن وزا شاۋىپ، جەڭىمپاز اتانعاندار.
– قازاقستاننىڭ وقۋ-اعارتۋ مينيسترلىگى الماتى قالاسى ءبىلىم باسقارماسىمەن بىرلەسە وتىرىپ، بىزگە ۇلكەن جاۋاپكەرشىلىك ارتتى. كونكۋرسقا ءارتۇرلى ماماندىق بويىنشا 20 وڭىردەن 90-عا جۋىق وقۋشى جينالدى. «ناۋبايشى شەبەرلىگى» كونكۋرسىنىڭ ءدال ءبىزدىڭ كوللەدجدە وتكەن سەبەبى – WorldSkills بايقاۋىندا جەڭىمپاز اتانۋىمىزبەن بايلانىستى. الدىمىزدا تۇرعان باستى مىندەتتەردىڭ ءبىرى – «جۇمىسشى ماماندىقتاردىڭ» مارتەبەسىن كوتەرۋ. بۇرىن جاستار ەكونوميست، زاڭگەر ماماندىقتارىنا كوپ قىزىعۋشىلىق تانىتسا، ءقازىر اسپاز، گرافيكالىق ديزاين، موبيلوگرافيا بويىنشا وقۋعا سۇرانىس ارتتى. مەن بۇعان شىن قۋانىشتىمىن! وسى ورايدا ايتا كەتەيىن، بۇگىنگى سايىستان 1-ورىن العان وقۋشىعا باسشىلىق تاراپىنان الماتى مەملەكەتتىك بيزنەس كوللەدجىندە وقۋ ءۇشىن گرانت سىيلايمىز، – دەدى الماتى مەملەكەتتىك بيزنەس كوللەدجىنىڭ ديرەكتورى اينۇر مۋكاجانوۆا.
ايتا كەتەيىك، «ناۋبايشى شەبەرلىگى» قۇزىرەتتىلىگى بويىنشا «دارەن» ج ش س باس ناۋبايشىسى دميتريي سكوپسوۆ، «ءىنجۋ» مەيرامحاناسىنان جانسۇلۋ ابەنباي، «اسپاز» ج ش س، قوعامدىق تاماقتانۋ ينجەنەر-تەحنولوگى مۋراد حيلايەۆ ءادىلقازىلىق ەتەدى.
• تاقىرىپقا وراي
باتىرحان دوسىموۆ، قاتىسۋشى:
اسپاز بولعىم كەلەدى
الماتى قالاسى №169 مەكتەپ-ليسەيىنىڭ 9-شى وقۋشىسىمىن. بولاشاقتا دا اس ازىرلەۋ سالاسى بويىنشا جۇمىس ىستەگىم كەلەتىندىكتەن، سايىسقا قاتىسىپ جاتىرمىن. بايقاۋعا ءۇش اپتا دايىندالدىم.
دينا ەلەۋسىنوۆا، قاتىسۋشى:
ۇيىمداستىرۋ دەڭگەيىن جوعارى باعالايمىن
استانا قالاسىنان كەلدىم. ماقساتىم – جەڭىس بولسا دا، جەڭىلىس بولسا دا قاتىسىپ، تاجىريبە جيناقتاۋ ءارى اس ازىرلەۋ سالاسىنا دەگەن قىزىعۋشىلىعىمدى سىناۋ. سايىسقا ءۇش كۇن دايىندالدىم. بولاشاقتا اسپاز بولۋدى ارمانداماسام دا، قامىر يلەپ، ءتۇرلى دەسەرت دايىنداعان ۇنايدى. ءقازىر سايىس قىزۋ ءجۇرىپ جاتىر. نان، توقاش، ءتاتتى ءبالىش سەكىلدى تاعامداردى دايىنداۋ ءۇشىن بارلىق كەرەكتى ونىمدەر بار. سوندىقتان ۇيىمداستىرۋ دەڭگەيىن جوعارى باعالايمىن.
قارلىعاش احمەتوۆا، جەتەكشى:
وقۋشىمنان جەڭىس كۇتەمىن
قىزىلوردا قالاسىنىڭ №290 ورتا مەكتەبىنەن 9-سىنىپ وقۋشىسى كاۋسار باقىتجان ەسىمدى وقۋشىمدى اكەلدىم. قاتىسۋشىلار 3 مودۋل بويىنشا ب ا ق سىناسادى. ءبىرىنشى كلاسسيكالىق ۇلگىدە نان پىسىرەدى، ەكىنشى توقاش دايىندايدى جانە ءتاتتى بالىشتەر ازىرلەيدى. بايقاۋعا ەكى اپتا دايىندالدىق، وقۋشىمنان جەڭىس كۇتەمىن.
