ۆاكسينالار كوروناۆيرۋستىڭ مۋتاسيالانعان جاڭا شتامدارىنان قورعايدى
كوروناۆيرۋسقا قارسى ۆاكسيناسيانىڭ جوعارى قارقىنى قولدانىستاعى ۆاكسينالارعا ءتوزىمدى شتامداردىڭ ىقتيمالدىعىن تومەندەتەدى. بۇل پىكىردى الماتى قالاسىنىڭ جوعارى ساناتتى دارىگەرى، قوعامدىق دەنساۋلىق ساقتاۋ ماگيسترى ناتاليا راحالسكايا ايتتى، دەپ حابارلايدى Almaty-akshamy.kz.
«تۇراقتى ەپيدەميولوگيالىق جاعدايعا ورالۋ ۋاقىتى ءسىز بەن بىزگە بايلانىستى. COVID-19 - وتە ءقاۋىپتى اۋرۋ»، - دەيدى ن. راحالسكايا.
دارىگەر كوروناۆيرۋستىڭ رەسەپتورلارى تەك وكپەدە عانا ەمەس، سونىمەن قاتار دەنەنىڭ باسقا مۇشەلەرى مەن جۇيەلەرىندە بار ەكەنىن ءتۇسىندىردى. ۆيرۋس جۇرەك ءتىنىنىڭ جاسۋشالارىندا، بۇيرەكتە جانە تامىرلاردىڭ ىشكى بەتىن قاپتايتىن ەندوتەلييدە بەلسەندى تۇردە كوبەيە الاتىنى بەلگىلى، بۇل ترومبوزعا اكەلەدى.
COVID-19 كەزىندە ورتالىق جۇيكە جۇيەسىنىڭ ءار ءتۇرلى زاقىمدانۋى ءار ءتۇرلى.
سوندىقتان ۆاكسينالانۋ ماڭىزدى. بارلىق ەلدەر حالقىنىڭ 70%-ىنىڭ ۆاكسينالانۋى پاندەميانى توقتاتۋعا مۇمكىندىك بەرەدى. الماتىداعى ەپيدەميولوگيالىق احۋال ءالى دە ۋشىعىپ تۇر.
«سوڭعى عىلىمي دالەلدەر كۆي ۆاكسينالارىنىڭ كەز كەلگەنى جاڭا شتامدار مەن مۋتاسيالارعا قارسى وتە ءتيىمدى ەكەنىن كورسەتەدى. ءبىز جاڭا شىندىقتى قابىلداۋعا ءتيىسپىز، ءدال ءقازىر بۇل ۆيرۋس ءومىر سۇرۋدە جانە، ەڭ باستىسى، ادامدار اراسىندا تارالۋدا. سوندىقتان ۆيرۋستان «قورعانۋ» قاجەت. ول ءۇشىن ۆاكسينا سالدىرعان ءجون»، - دەدى دارىگەر ن.راحالسكايا.
ۆاكسينانى ادامداردىڭ بارلىعىنىڭ العانى ابزال، ءتىپتى يممۋنيتەتى تومەن جاندار دا. سوندا عانا ۇجىمدىق يممۋنداۋدى قالىپتاستىرۋعا بولادى.
«ءبىز ءوز تاجىريبەمىزدە ريەۆماتويدتى ناۋقاستارعا، وڭ ۆيچ ستاتۋسى بار ادامدارعا، ءتىپتى 80 جاستان اسقان قارتتارعا ەكپە سالدىق. ولاردىڭ بارلىعى ەكپەنى دۇرىس قابىلدادى. ۆاكسينالانۋ ءقاۋىپتى دەرتتىڭ الدىن الادى جانە دەنىمىزدىڭ ساۋ بولۋىنا كومەكتەسەدى»، - دەدى ن. راحالسكايا.
«تاعى قايتالاپ ايتسام، يممۋنيتەتتى جوعارىلاتۋدىڭ بىردەن-بىر ءتيىمدى جولى ءادىسى – ۆاكسينالانۋ. ونىڭ ۇستىنە، بۇل ەلىمىزدە قولجەتىمدى، كورشى ەلدەردە ول بارىنشا تاپشى»، - دەپ تۇيىندەدى ءسوزىن الماتىلىق دارىگەر.