الماتى اكىمى دارحان ساتىبالدى 1950-جىلدارى سالىنعان يابلوچكوۆ كوشەسىندەگى ەسكى ۇيلەردى ارالاپ كوردى، دەپ حابارلايدى aqshamnews.kz
تۇرعىندار قايتا جاڭارتۋ مەن كوشىرۋ جۇمىستارىن جەدەلدەتۋدى سۇرادى. قالا باسشىسى ەسكى ۇيلەردى ءسۇرۋ كەزىندە ەڭ باستىسى، ادامداردىڭ باسپاناسىز قالماۋىن قامتاماسىز ەتۋ ەكەنىن ايتتى. بارلىق شەشىم تەك زاڭ اياسىندا قابىلداناتىنىن جەتكىزدى.
«بارلىق شەشىم زاڭدى بولۋعا كەرەك. ەرتەڭ پروكۋراتۋرا داۋ تۋدىرماس ءۇشىن حاتتامالاردى تەكسەرەمىز. ەڭ ماڭىزدىسى، تۇرعىندارعا ىڭعايلى ءارى بىزگە جۇمىستى جالعاستىرۋعا مۇمكىندىك بەرەتىن شەشىم تابۋ كەرەك»، — دەدى اكىم.
جەتىسۋ اۋدانىنداعى يابلوچكوۆ كوشەسىندە ورنالاسقان №1 جانە №3 ۇيلەر – 1953-1954 جىلدارى سالىنعان ەكى قاباتتى قاڭقالى-قامىستى عيماراتتار. بارلىعى 16 پاتەر بار. ۇيلەردىڭ جاعدايى ناشار: قابىرعاسىندا سىزات پايدا بولعان، سىلاق ۇگىتىلىپ تۇسكەن. ىرگەتاسى شوگىپ، توبە مەن قابىرعا اراسىندا ساڭىلاۋلار پايدا بولىپ، ەدەن قيسايىپ كەتكەن، شاتىردان تامشى اعادى. 70 جىلدان استام ۋاقى بويى كۇردەلى جوندەۋ جۇرگىزىلمەگەن.
«قازقعزي» اق 2017-2018 جىلدارى جۇرگىزگەن تۇرعىن ءۇي قورىنىڭ تەحنيكالىق تۇگەندەۋى بويىنشا يابلوچكوۆ كوشەسىندەگى №1 جانە №3 ۇيلەر ەسكى دەپ تانىلعان. ولاردى ءسۇرىپ، تۇرعىنداردى كوشىرۋ قاجەت. وسى اۋماقتىڭ شامييەۆا كوشەسىندە تاعى ەكى ەسكى ءۇي بار.
قالا اكىمى دارحان ساتىبالدىنىڭ ايتۋىنشا، ءقازىر كوشىرۋدىڭ ءتۇرلى نۇسقاسى قاراستىرىلىپ جاتىر. تۇرعىندار جاڭا پاتەردىڭ الماتىنىڭ قاي اۋدانىنان بەرىلەتىنى ماڭىزدى ەمەس ەكەنىن ايتتى. ماسەلەن، ناۋرىزباي اۋدانىندا قونىستانا بەرۋگە بولاتىن دايىن پاتەرلەر بار.
اكىمنىڭ ايتۋىنشا، ەسكى ۇيلەردىڭ تۇرعىندارىن كوشىرۋ - ماڭىزدى الەۋمەتتىك مىندەت، ونى قالا تۇرعىندارىنىڭ مۇددەسىن ساقتاي وتىرىپ، زاڭدىلىق پەن اشىقتىق نەگىزىندە شەشۋ قاجەت.