وزگەرىس بۇگىننەن باستاپ قولدانىسقا ەنەدى، دەپ حابارلايدى aqshamnews.kz
قازاقستان قارجى مينيسترلىگى اقىلى نەگىزدە ەلەكتروندى كەزەك بويىنشا مەملەكەتتىك شەكارا ارقىلى وتكىزۋ ەرەجەسىنە وزگەرىستەر ەنگىزدى. بۇل كولىك قۇرالدارى، تاۋارلاردىڭ جانە جۇكتەردىڭ يەلەرىنە قاتىستى. قۇجاتتا شەكارادان جىلدام ءوتۋ ءۇشىن جەكە اقىلى رەجيمدى ەنگىزە وتىرىپ، كەزەكتەن تىس جانە جىلدام وتكىزۋ ءتارتىبى جازىلعان.
2023 جىلى جاريالانعان بۇيرىقتا جۇك كولىكتەرى مەن اۋىر جۇك كولىك يەلەرى وتكىزۋ پۋنكتىنەن جەدەل ءوتۋ ءۇشىن 100 اەك نەمەسە 393 200 تەڭگە (724،6 دوللار) تولەيتىنى جازىلعان. جاڭا ەرەجەلەردە قارجى مينيسترلىگى وسى بۇيرىققا سىلتەمە جاسايدى.
سونداي-اق جەرگىلىكتى اتقارۋشى ورگاندارىنا وتكىزۋ پۋنكتتەرىنىڭ جانىندا كۇتۋ ايماقتارىن جايلاستىرۋ مىندەتى جۇكتەلەدى.
"كۇتۋ ايماعى - كولىك قۇرالدارىن ورنالاستىرۋعا ارنالعان ارنايى ايماق. مۇندا وتكىزۋ پۋنكتىنىڭ تاۋلىكتىك وتكىزۋ قابىلەتى نەگىزگە الىنادى. وتكىزۋ پۋنكتىنە تىكەلەي جاقىن ورنالاسقان ارنايى جابدىقتالعان الاڭ"، - دەپ ءتۇسىندىردى ۆەدومستۆو.
جانۋارلار، تەز بۇزىلاتىن جانە ءقاۋىپتى جۇك تيەگەن ازاماتتار كەزەكتەن تىس تىركەۋدەن وتە الادى. سونداي-اق شەت مەملەكەت ۇكىمەتىنەن ديپلوماتيالىق ارنا ارقىلى كەلىپ تۇسكەن رەسمي ءوتىنىش بويىنشا گۋمانيتارلىق، اسكەري جۇكتەر مەن جۇكتەر دە جىلدام وتەدى.