الماتى قالالىق قوعامدىق دەنساۋلىق ساقتاۋ باسقارماسى ونكولوگيالىق ناۋقاستارعا ارنالعان "تاگريسسو" پرەپاراتىنىڭ ۋاقىتشا جەتىسپەۋشىلىگىن راستادى، دەپ حابارلايدى aqshamnews.kz
ۆەدومستۆونىڭ مالىمەتىنشە، ءدارىنىڭ تاپشىلىعى ەلدىڭ باسقا وڭىرلەرىنەن كەلگەن ناۋقاستاردىڭ قايتا تىركەلۋىنە بايلانىستى بولجانعان كولەمنىڭ ارتىعىمەن جۇمسالۋىنان تۋىنداعان.
جىل سايىن الماتى ونكولوگيالىق ورتالىعىندا 1000-نان استام ناۋقاس تىركەلەدى. قۇنى 2 ميلليون تەڭگەدەن اساتىن "تاگريسسو" تەگىن نەمەسە جەڭىلدەتىلگەن شارتپەن بەرىلەتىن دارىلەر تىزىمىنە ەنگىزىلگەن. بيىل مينيسترلىك ورتالىققا 8400 تابلەتكا ليميت بولگەن، الايدا بۇل كولەم تولىق پايدالانىلعان.
"سك-فارماسيا" ج ش س ءدارىنى مەرزىمىنەن بۇرىن جەتكىزۋ ءۇشىن جەتكىزۋشىمەن كەلىسسوز جۇرگىزگەنىن مالىمدەدى. قوسىمشا پارتيا 26 قىركۇيەككە دەيىن قويماعا جەتكىزىلىپ، كەيىن ناۋقاستارعا بەرىلمەك.
باسقارمانىڭ حابارلاۋىنشا، دارى-دارمەكپەن قامتاماسىز ەتۋ بولىنگەن قارجى شەگىندە جۇرگىزىلەدى، ال قوسىمشا قاجەتتىلىك ۋاكىلەتتى ورگانمەن كەلىسىلگەن جاعدايدا قامتاماسىز ەتىلەدى.