2025 جىلدىڭ 21 قىركۇيەگىندە، جەكسەنبى كۇنى، الماتىلىقتاردىڭ تەلەفوندارىنا جەر سىلكىنىسى تۋرالى جاپپاي دابىل حابارلامالارى كەلىپ ءتۇستى، دەپ حابارلايدى aqshamnews.kz
تەلەفونعا كەلگەن حابارلامالار تۇرعىنداردى قورقىتىپ جىبەردى. ادامدار ۇيلەرىن عانا ەمەس، ساۋدا ورتالىقتارىن دا تاستاپ شىعىپ، دۇربەلەڭ بولدى. كوپشىلىگى ءدال سول ساتتە قالا كۇنىن مەرەكەلەۋ ءۇشىن الاڭدا جۇرگەن ەدى.
كەيىن تجم وكىلدەرى الماتىدان 9 شاقىرىم قاشىقتىقتا جەر استى دۇمپۋلەرى تىركەلگەنىن مالىمدەدى. ەپيسەنتردەگى ماگنيتۋدا 3،8 بولعان. ال قالا اۋماعىندا سىلكىنىس مۇلدە سەزىلمەگەن.
سول سەبەپتى ەسكەرتۋ جۇيەسى نەگە ىسكە قوسىلعانى تۋرالى سۇراق تۋىندادى.
22 قىركۇيەكتە كوميسسيا سەيسموستانسيالارعا بارىپ، تەكسەرىس باستادى. ماماندار تەكسەرۋ جۇرگىزىپ جاتىر.
جۋرناليستەردىڭ ەسكە سالۋىنشا، جاڭا تەحنولوگيا 2024 جىلى ىسكە قوسىلعان بولاتىن. جوباعا بيۋدجەتتەن 475 ميلليون تەڭگە جۇمسالعان.
ول كەزدە تۇرعىندارعا تەك كۇشتى جەر سىلكىنىسى – 4 بالدان جوعارى بولعان جاعدايدا عانا جەدەل حابارلاما جىبەرىلەدى دەپ مالىمدەلگەن ەدى.
"قازىرگى ۋاقىتتا ماماندار بارلىق ءمان-جايدى انىقتاۋ ءۇشىن سەيسموستانسيالار مەن داچيكتەردى زەرتتەپ جاتىر. حابارلامالاردىڭ ۋاقىتىلى ءارى ناقتى جەتۋىن قامتاماسىز ەتۋ ماقساتىندا پارامەترلەردى كاليبرلەۋ مەن الگوريتمدەردى ناقتىلاۋ جۇمىستارى جۇرگىزىلۋدە. سەيسموداچيكتەردىڭ دەرەگىنە سايكەس، 21 قىركۇيەكتە تىركەلگەن جەر سىلكىنىسى حالىق پەن ينفراقۇرىلىم نىساندارىنا ءقاۋىپ توندىرمەگەن"، — دەدى الماتى قالاسى تجد رەسمي وكىلى گۇلدانا نۇرىمبەتوۆا.
21 قىركۇيەك كۇنى ساعات 16:25-تە الماتى تۇرعىندارى مەن قوناقتارىنا قالا اۋماعىندا سەزىلمەگەن، ءبىراق ەپيسەنترى الماتىدان بار بولعانى 9 شاقىرىم وڭتۇستىك-باتىستا ورنالاسقان جەر سىلكىنىسىنە بايلانىستى جەدەل حابارلاما كەلدى. كەيىن بەلگىلى بولعانداي، بۇل حابارلامالار سەيسمولوگتار داچيكتەرى تىركەگەن دۇمپۋلەردەن كەيىن Mass Alert جۇيەسىنىڭ اۆتوماتتى تۇردە قوسىلۋىنان جىبەرىلگەن.