ەلىمىزدىڭ بارلىق وڭىرىندە ۆەدومستۆو ماماندارىمەن بايلانىس جولعا قويىلدى
قازاقستاننىڭ ساۋدا جانە ينتەگراسيا مينيسترلىگى سيىر ەتى نارىعىنداعى جاعدايعا بايلانىستى ماسەلەلەر بويىنشا جەدەل جەلىنىڭ ىسكە قوسىلعانىن حابارلادى.
قازاقستاندىقتار ەت باعاسى، ساۋدا جەلىلەرىندەگى ساۋدا ۇستەمەسى، سونداي-اق سيىر ەتىن جەتكىزۋ پروبلەمالارى بويىنشا سۇراق قويا الادى.
"جەلى بۇكىل رەسپۋبليكا بويىنشا جۇمىس ىستەيدى جانە ازاماتتار ءۇشىن دە، بيزنەس وكىلدەرى ءۇشىن دە اشىق. جەدەل جەلى حالىقپەن جانە بيزنەسپەن كەرى بايلانىستى كۇشەيتۋ، ازىق-تۇلىك نارىعىنداعى اشىقتىقتى ارتتىرۋ، سونداي-اق شاعىمدارعا دەر كەزىندە دەن قويۋ ءۇشىن قۇرىلعان"، - دەپ اتاپ ءوتتى ۆەدومستۆو.
سوڭعى ۋاقىتتا قازاقستاندىقتاردىڭ جوعارى باعاعا، اسىرەسە سيىر ەتىنە شاعىمى كوبەيىپ كەتتى. 20 قىركۇيەكتە حالىقتىڭ نارازىلىعىنا جاۋاپ رەتىندە ساۋدا مينيسترلىگى ەت باعاسىن ۇستاپ تۇرۋ ءۇشىن قابىلدانعان شارالاردى جاريالادى.
مىسالى، مامىر ايىنان باستاپ ءتىرى مالدى ەلدەن اكەتۋگە تىيىم سالىندى.
"بۇل باعانىڭ ءوسۋ قارقىنىن تومەندەتۋگە مۇمكىندىك بەردى: ەگەر ءاقپان-ساۋىر ايلارىندا ءوسىم ايىنا 3%ء-تى قۇراسا، مامىر - شىلدە ايلارىندا 1،4% بولدى. الايدا قازاقستاندىق ەت باعاسىنىڭ كورشى ەلدەر ءۇشىن، اسىرەسە وزبەكستان ءۇشىن قونىمدى بولعاندىعى، سونداي-اق وڭدەلگەن تۇردەگى ەت ەكسپورتىنىڭ مۇمكىندىگى ەكسپورتتاۋ كولەمىنىڭ ايتارلىقتاي وسۋىنە الىپ كەلدى"، - دەپ حابارلادى سول كەزدە ساۋدا مينيسترلىگى.
باعانى تۇراقتاندىرۋ ءۇشىن اۋىلشارۋاشىلىق جارمەڭكەلەرى ءوتىپ جاتىر. دەمالىس كۇندەرى قازاقستاندىقتار ەتتى قولجەتىمدى باعامەن ساتىپ الا الادى. سونىمەن قاتار 21 قىركۇيەكتەن باستاپ ءىرى ساۋدا جەلىلەرى سيىر ەتىن بەلگىلەنگەن باعامەن ساتا باستادى.
تومەندە قازاقستاندىقتار ەت بويىنشا سۇراقتارمەن جۇگىنە الاتىن تەلەفون نومىرلەرى بەرىلگەن.
استاناداعى تۇتىنۋشىلاردىڭ قۇقىقتارىن قورعاۋ كوميتەتىنىڭ بايلانىس اقپاراتى:
+7 (7172) 74-98-32
+7 (7172) 75-06-49
+7 (7172) 74-98-36
وڭىرلەر بويىنشا جەدەل جەلىلەر:
استانا-8 (7172) 57-64-02
الماتى - 8 (727) 392-21-54
شىمكەنت - 8 (7252) 53-07-06
اباي وبلىسى - 8 (7222) 35-37-43
اقمولا وبلىسى - 8 (7162) 50-29-89
اقتوبە وبلىسى - 8 (7132) 54-81-26
الماتى وبلىسى - 8 (7272) 72-50-083
اتىراۋ وبلىسى - 8 (7122) 52-03-91
شىعىس قازاقستان وبلىسى - 8 (7232) 26-72-07
جامبىل وبلىسى - 8 (7262) 54-21-69
جەتىسۋ وبلىسى - 8 (7282) 41-56-10
باتىس قازاقستان وبلىسى - 8 (7112) 50-00-44
قاراعاندى وبلىسى - 8 (7212) 21-42-08
قىزىلوردا وبلىسى - 8 (7242) 71-15-30
ماڭعىستاۋ وبلىسى - 8 (7292) 43-14-34؛ 8 (7292) 43-01-17
پاۆلودار وبلىسى - 8 (7182) 55-10-70
سولتۇستىك قازاقستان وبلىسى (سقو) - 8 (7152) 46-81-33
تۇركىستان وبلىسى: +7 707 111 6501؛ +7 771 322 82 82
ۇلىتاۋ وبلىسى - 8 (7102) 76-30-10.