2025 جىلعى 9 قىركۇيەكتە مەملەكەت باسشىسى قاسىم-جومارت توقايەۆ قازاقستان حالقىنا جولداۋىندا جاساندى ينتەللەكتىنى ەلىمىزدىڭ ستراتەگيالىق دامۋىنىڭ باستى قۇرالى دەپ اتادى.
«بيىلعى جولداۋدىڭ بىرىكتىرۋشى يدەياسى – سيفرلاندىرۋدى كەڭ كولەمدە دامىتۋ جانە جاساندى ينتەللەكتىنى جاپپاي ەنگىزۋ»، – دەدى پرەزيدەنت.
پرەزيدەنت قازاقستاندى ءۇش جىل ىشىندە «جاپپاي سيفرلىق ەلگە» اينالدىرۋ مىندەتىن قويدى. ول ءۇشىن ارنايى جاساندى ينتەللەكت جانە سيفرلىق دامۋ مينيسترلىگىن قۇرۋ، زاڭنامانى جەتىلدىرۋ جانە مەكتەپتەردە جي نەگىزدەرىن ەنگىزۋ كوزدەلۋدە.
جاساندى ينتەللەكت تەك مەملەكەتتىك باسقارۋدا ەمەس، ەكونوميكانىڭ بارلىق سالاسىندا قولدانىس تابادى. ول:
- مەملەكەتتىك قىزمەتتەردىڭ اشىقتىعىن ارتتىرادى؛
- دەنساۋلىق ساقتاۋ سالاسىندا اۋرۋلاردى ەرتە انىقتاۋعا مۇمكىندىك بەرەدى؛
- ءبىلىم بەرۋدە جاڭا بۋىن ماماندارىن دايارلاۋعا ىقپال ەتەدى؛
- وندىرىستە، ەنەرگەتيكادا، لوگيستيكا مەن اۋىل شارۋاشىلىعىندا تيىمدىلىكتى ارتتىرادى.
جاساندى ينتەللەكت – ادامزات دامۋىنىڭ جاڭا كەزەڭىن ايقىندايتىن تەحنولوگيا. الەمدىك تاجىريبە كورسەتكەندەي، جي ەلدىڭ باسەكەگە قابىلەتتىلىگىن ارتتىرۋدىڭ نەگىزگى فاكتورىنا اينالىپ وتىر. قازاقستان وسى باعىتتا ناقتى قادامدار جاساپ، جاستاردى تەحنولوگيالىق ساۋاتتىلىققا ۇيرەتۋدى قولعا الۋدا.
پرەزيدەنتتىڭ باستاماسى – قازاقستاندى يننوۆاسيالىق دامۋ جولىنا باستايتىن شەشۋشى ستراتەگيالىق باعدار. جاساندى ينتەللەكتى دۇرىس پايدالانۋ ەلدىڭ ەكونوميكاسىن جاڭا دەڭگەيگە كوتەرىپ قانا قويماي، قوعامنىڭ ساپالى جاڭارۋىنا دا جول اشادى.