مەملەكەتتىك نومىرگە ەسىم جازۋ

ىشكى ىستەر مينيسترلىگى دە اۆتوكولىكتەرگە ارنالعان ەسىم جازىلعان مەملەكەتتىك تىركەۋ نومىرلەرىن ەنگىزۋ قازىرگى ۋاقىتتا قاراستىرىلمايتىنىن ايتتى، دەپ حابارلايدى aqshamnews.kz

UzA Telegram-ارناسىنىڭ مالىمەتىنشە، وزبەكستاندا 2026 جىلدىڭ 1 قاڭتارىنان باستاپ كولىك يەلەرى قالاعان ارىپتەر مەن سانداردى تاڭداپ، مەملەكەتتىك ءنومىر ساتىپ الۋ مۇمكىندىگىنە يە بولادى. مىسالى، نومىرگە ەسىمىن نەمەسە قالا اتاۋىن جازۋعا بولادى.

وسىعان بايلانىستى كوپ قازاقستاندىق جۇرگىزۋشىلەردە ورىندى سۇراق تۋىندادى: مۇنداي تاجىريبە بىزدە ەنگىزىلە مە؟ بۇل جونىندە ىشكى ىستەر مينيسترلىگىنە جانە زاڭناما مەن سوت-قۇقىقتىق رەفورما كوميتەتىنىڭ ءتورايىمى سنەجاننا يماشيەۆاعا ساۋال جولدادىق.

پارلامەنت نە دەيدى؟
سنەجاننا يماشيەۆا بۇل ماسەلە بويىنشا ماجىلىستە جۇمىس توبىنىڭ قۇرىلۋى جوسپارلانباعانىن ايتتى. سونداي-اق دەپۋتاتتاردان دا، ازاماتتاردان دا ەشقانداي باستاما تۇسپەگەن.

ونىڭ ايتۋىنشا، دەپۋتاتتار اراسىندا ءبىرىڭعاي ۇستانىم جوق.

"بىرەۋلەرى ەسىم جازىلعان نومىرلەر الۋ مۇمكىندىگىن تەك بيۋدجەتكە قوسىمشا قارجى ءتۇسىرۋ ءتاسىلى رەتىندە قولدايدى، ءبىراق ولاردىڭ قۇنى وتە قىمبات بولۋى كەرەك دەپ ەسەپتەيدى. ال باسقالارى تۇبەگەيلى قارسى، مۇنداي جاڭاشىلدىقتى ورىنسىز سانايدى: ول تەك الەۋمەتتىك تەڭسىزدىكتى ايقىنداپ، جاستار اراسىندا شامادان تىس ماقتانشاقتىق مادەنيەتىن قالىپتاستىرادى"، – دەدى زاڭناما جانە سوت-قۇقىقتىق رەفورما كوميتەتىنىڭ ءتورايىمى.

ءىىم جاۋابى
 راستادى.