الماتى قالاسى بويىنشا قاجد پروباسيالىق قىزمەت ماماندارى "ۋچاسكە" پروفيلاكتيكالىق ءىس-شاراسى وتكىزىلگەن ون كۇن ىشىندە 3 مىڭعا جۋىق سوتتالعاندى تۇرعىلىقتى جەرى بويىنشا تەكسەردى، - دەپ حابارلايدى aqshamnews.kz Polisia.kz-كە سىلتەمە جاساپ.
الماتى قالاسى بويىنشا جىل باسىنان بەرى 5 مىڭعا جۋىق سوتتالعان پروباسيا باقىلاۋىنان وتسە، بۇگىنگى تاڭدا قالا بويىنشا 3 مىڭعا جۋىق سوتتالعان پروباسيالىق باقىلاۋ ەسەبىنە الىنعان. جەدەل ءىس-شارا كەزىندە سوتتالعانداردى تەكسەرۋ جۇمىسىنا الماتى قالاسى پوليسيا دەپارتامەنتىنە قاراستى پوليسيا بولىمشەلەرى مەن پروباسيا قىزمەتىنەن 120 وفيسەر تارتىلىپ، 135 سوتتالعاننىڭ شارتتى جازا وتەۋ ءتارتىبىن بۇزعانى انىقتالىدى.
سونىمەن قاتار 43 سوتتالعانعا قاتىستى اكىمشىلىك حاتتاما تولتىرىلدى. اتالعان قۇقىق بۇزۋشىلىقتار ىشىندە نەگىزىنەن اقبتك-نىڭ 440،441 جانە 492-باپتارى، ياعني الكوگولدىك ىشىمدىكتەر ءىشۋ جانە تىركەۋسىز نەمەسە جەكە باستى كۋالاندىراتىن قۇجاتتارسىز تۇرۋ سياقتى قۇقىق بۇزۋشىلىقتار انىقتالدى.