الماتىدا قالانى سانيتارلىق تازالاۋدىڭ جاڭا جۇيەسى ەنگىزىلۋدە. ەندى ءار اۋدانعا ءبىر مەردىگەر بەكىتىلەدى. ول كوشەلەردىڭ، تروتۋارلاردىڭ، ارىقتاردىڭ، ايالدامالاردىڭ جانە جاسىل ايماقتاردىڭ تازالىعىنا تولىق جاۋاپ بەرەدى. بۇل تۋرالى الماتى اكىمىنىڭ ورىنباسارى الماسحان سماتلايەۆ وڭىرلىك كوممۋنيكاسيالار قىزمەتىندە وتكەن بريفينگتە مالىمدەدى.
كوممۋنالدىق قىزمەتكەرلەر سانى ەكى ەسەگە ارتىپ، 3175 ادامعا جەتتى. جالاقى 170 مىڭ تەڭگەدەن 350 مىڭ تەڭگەگە دەيىن كوتەرىلدى. تاۋلىك بويى ءۇش اۋىسىمدىق جۇمىس كەستەسى ەنگىزىلدى، 300-دەن استام جاڭا تەحنيكا الىنىپ جاتىر.
«بۇرىن ءبىر كوشەدە بىرنەشە كومپانيا قاتار جۇمىس ىستەپ، تۇسىنىسپەۋشىلىك تۋىندايتىن. ەندى «قاسبەتتەن قاسبەتكە دەيىن» قاعيداتىنىڭ ەنگىزىلۋى ءتارتىپ پەن ۇيلەسىمدىلىكتى جوعارىلاتادى»، – دەدى الماسحان سماتلايەۆ.
تەكسەرىستەردىڭ ناتيجەسى بويىنشا اكىمدىك تەك قاجەتتى رەسۋرستارى بار بەس مەردىگەرمەن عانا جۇمىسىن جالعاستىرادى. قالعاندارى اۋىستىرىلادى. مۇنداي ءتاسىل قالانىڭ سانيتارلىق جاعدايىن ەداۋىر جاقسارتىپ، تۇرعىندار ءۇشىن قولايلى ورتا قالىپتاستىرۋعا مۇمكىندىك بەرەدى.