22 قىركۇيەك كۇنى ەلوردانىڭ بايقوڭىر اۋدانىندا ەرەكشە فورماتتاعى ەكولوگيالىق بايقاۋ ءوتتى. "تازا قازاقستان" اكسياسى اياسىندا ۇيىمداستىرىلعان شارا جاس سۋرەتشىلەردىڭ قيالى مەن جاساندى ينتەللەكتتىڭ مۇمكىندىكتەرىن بىرىكتىردى، دەپ حابارلايدى Aqshamnews.kz.
جاڭا اشىلعان سكۆەردە وتكەن بايقاۋدى اۋدان اكىمدىگى ۇيىمداستىردى. ماقساتى – جاستاردىڭ ەكولوگياعا كوزقاراسىن زاماناۋي تەحنولوگيالار ارقىلى كورسەتۋ. قاتىسۋشىلار نەيروجەلىلەر مەن گەنەراتيۆتى يي پلاتفورمالارىن قولدانىپ، ەكولوگيالىق تاقىرىپتاعى سۋرەتتەرىن جاسادى.
30-دان استام وقۋشى مەن ستۋدەنت قالدىقتاردى قايتا وڭدەۋ، بالامالى ەنەرگيا كوزدەرى، تابيعاتتى قورعاۋ سياقتى يدەيالاردى شىعارماشىلىقپەن جەتكىزدى. ولاردىڭ تۋىندىلارىندا بولاشاقتىڭ جاسىل قالالارى، كۇن مەن جەل ەنەرگياسىن پايدالاناتىن قۇرىلعىلار، روبوتتاندىرىلعان قوقىس سۇرىپتاۋشىلار بەينەلەندى.
ۇيىمداستىرۋشىلاردىڭ ايتۋىنشا، بۇل باستاما جاستاردىڭ ەكولوگيالىق ويلاۋىن قالىپتاستىرىپ، سيفرلىق ساۋاتتىلىعىن ارتتىرۋعا ىقپال ەتەدى. بايقاۋ – تەحنولوگيا مەن تابيعاتقا جاناشىرلىقتى ۇشتاستىرعان تىڭ قادام رەتىندە باعالاندى.