يسلام عالىمدارىنىڭ ءپاتۋاسى بويىنشا "ۆاكسينانىڭ قۇرامىندا تىيىم سالىنعان كومپونەنتتەر بولسا دا، ۆاكسينالانۋعا رۇقسات ەتىلگەن". بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە ءال-فارابي اتىنداعى قازۇۋ اعا وقىتۋشىسى، ءدىنتانۋ دوكتورانتى ەلنار بەرىكبايەۆ ايتتى، دەپ حابارلايدى almaty-akshamy.kz
سپيكەر شامامەن 5 جىل بۇرىن قازاقستان مۇسىلماندارى ءدىني باسقارماسىنىڭ ەل مۇسىلماندارىنا ەتيل ءسپيرتىن قالاي قولدانۋ كەرەگىن تۇسىندىرگەنىن ەسكە سالدى. بۇعان كەيبىر مۇسىلمانداردىڭ وسى زات بار دارىلىك تۇنبادان باس تارتۋى سەبەپ بولعان ەدى.
وسى وقيعاعا بايلانىستى الماتىلىق تەولوگ يسلامداعى تاعى ءبىر ءپاتۋانى ءتۇسىندىرىپ ءوتتى.
«تىيىم سالىنعاننىڭ ءبارى زيان ەمەس. دارى-دارمەكتەردە سپيرت ءوزىنىڭ ىشىمدىك رەتىندەگى قاسيەتىن جوعالتادى، سوندىقتان ءدارىنى قولدانۋعا بولادى. ال، مۇندا ولار ءجۇزىمدى مىسالعا كەلتىرەدى. شاراپقا اينالعان ءجۇزىم شىرىنى ءقازىردىڭ وزىندە حارام بولىپ سانالادى. ءبىراق ءبىراز ۋاقىتتان كەيىن شاراپ سىركە قىشقىلىنا اينالادى، ياعني ونى تۇتىنۋعا بولادى»، – دەپ اتاپ ءوتتى ەلنار بەرىكبايەۆ.
كەيبىر دارى-دارمەكتەردە مۇسىلماندارعا تىيىم سالىنعان شوشقا ەتىنىڭ بولۋى مۇمكىندىگى تۋرالى سۇراققا عالىم «ءال-ماجمۋ» كىتابىنان يمام ءان-ناۋايدىڭ ءسوزىن كەلتىردى.
«قوسپانى تازا پرەپارات بولماعان جاعدايدا ءدارى رەتىندە قابىلداۋعا بولادى. ال، ەگەر ونى الماستىراتىن پرەپارات بولسا، وندا ونى قابىلداۋعا قاتاڭ تىيىم سالىنادى» دەگەن»، – دەدى ەلنار بەرىكبايەۆ.
«قۇراندا ءوز ومىرىڭىزگە جانە دەنساۋلىعىڭىزعا ءقاۋىپ توندىرۋگە تىيىم سالۋ تۋرالى بىلاي دەيدى: «ءوزىڭدى [ءوزىڭدى جانە ءبىر-بىرىڭدى] ولتىرمەڭدەر. راسىندا، اللا سەندەرگە مەيىرىمدى!» («نيسا» سۇرەسى، 29-ايات). سونداي-اق، پايعامبار: «ءسىز وزىڭىزگە دە، باسقا ادامعا دا زيان كەلتىرە المايسىز»، – دەگەن (سۋنان يبن مادجا). ەمدەلمەگەن ادام ءوزى عانا اۋىرمايدى، ول دەرتتى باسقالارعا، ەڭ الدىمەن تۋىستارىنا، ارىپتەستەرىنە، كورشىلەرىنە جۇقتىرۋى مۇمكىن. سوندىقتان ەكپە الۋ وتە ماڭىزدى»، – دەدى ءدىنتانۋشى.
ۆاكسينالانۋ مەن ءدىن تۋرالى ايتا وتىرىپ، تەولوگ انتيۆاكسەرلەر ويلاپ تاپقان ەڭ كۇلكىلى فەيكتى ەسكە ءتۇسىردى.
«انتيۆاكسەرلەر ادامنىڭ اۋىرىپ قالماۋى قۇدىرەتتى قۇدايدىڭ ەركىنە بايلانىستى دەپ ەسەپتەيدى. ال، ەكپە الۋ ارقىلى ءسىز ونىڭ ەركىنە كەدەرگى جاسايسىز. ءبىراق تاعدىرعا سەنۋ سىزگە بوس وتىرۋعا جانە ەشتەڭە جاساماۋعا، بەتپەردە تاعۋعا بولمايدى، ادەيى ءوزىڭىزدى جانە باسقالاردى جۇقتىرۋ ءقاۋپىن تۋدىرادى دەگەندى بىلدىرمەيدى»، – دەپ اتاپ ءوتتى ە. بەرىكبايەۆ.
سونداي-اق، ءدىن سالاسىنداعى ساراپشى حريستياندىق جانە مۇسىلماندىق سەنىمنىڭ نەگىزدەرىنە سايكەس، قيامەت كۇنى تەك قۇدايدىڭ قالاۋىمەن ادام ءوزىنىڭ ىس-ارەكەتىنە عانا ەمەس، سونىمەن بىرگە ارەكەت ەتپەۋىنە دە جاۋاپ بەرەتىنىن ايتتى.
ءسوز سوڭىندا الماتىلىق تەولوگ يسلامداعى ايگىلى ناقىلدى ەسكە سالدى: «الدىمەن تۇيەنى بايلا، سوسىن اللاعا سەن» نەمەسە «قۇدايعا سەن، ءبىراق ءوزىڭ قاتەلەسپە».