Sıvers almasy jetildirile túspek
Sıvers almasy Qazaqstannyń brendine aınalýy tıis, dep habarlaıdy Almaty-akshamy.kz.
Mundaı málimdemeni halyqaralyq ǵylymı ekspedısıaǵa qatysqan sheteldik zertteýshiler jasady.
Germanıa men Fransıanyń Sorbonna ýnıversıtetiniń ókilderi Jońǵar-Alataý qoryǵynda issaparda boldy.
Onda ǵalymdar jerdegi alma baqtarynyń shyǵýyn zerttep, izdenis jumystaryn jetildirý úshin almalardyń dánderin jınady. Sóıtip, aldaǵy ýaqytta kóptegen jańalyqtar ashýǵa nıetti.
Sebebi aldyńǵy nátıjeler Oksford ýnıversıtetiniń ǵalymdaryna tolysqan qyzyl búıirli almanyń barlyq belgili suryptarynyń tórtten biri, ıaǵnı 2,5 myńy sıvers aǵashynan shyqqanyn dáleldeýge múmkindik berdi.
«Qazaqstan álemdegi barlyq alma aǵashtarynyń shyqqan jeri bolyp tabylady. Sondyqtan da bul derekke ǵalymdar qyzyǵýshylyq tanytty. Jaı ǵalymdar emes, ǵylymı zertteýshiler. Olardyń qataryna zamanaýı sýretshiler qosyldy. Sońǵylary ǵalymdardyń zertteýleri negizinde óz jobalaryn jasaıdy», - dedi «Cultural Dialogue» qoǵamdyq qorynyń dırektory Janna Mambetova.