Zertteýshiler koronavırýspen aýyratyn shamamen 1,3 mıllıonǵa jýyq pasıenttiń medısınalyq málimetterin taldaǵan.
Amerıkandyq Johnson & Johnson kompanıasynyń medısınalyq zertteýshileri áıelder koronavırýstyń uzaqqa sozylǵan aǵymynan erlerge qaraǵanda 22%-ǵa jıi zardap shegetinin anyqtady, dep habarlaıdy Almaty-akshamy.kz Covid-19 taralýyna jol bermeý jónindegi VAK-ǵa silteme jasap.
Zertteýshiler koronavırýspen aýyratyn shamamen 1,3 mıllıonǵa jýyq pasıenttiń medısınalyq málimetterin taldaǵan. Aýrýdyń uzaqqa sozylǵan aǵymy bar áıelderde nevrologıalyq, revmatologıalyq jáne asqazan-ishek aýrýy damyǵan, sharshaý, kóńil-kúıdiń buzylýy baıqalyp, qulaq, muryn jáne tamaq aýrýy boıynsha shaǵymdanǵan. Erler kóbine tek endokrındik júıeniń buzylýyna (mysaly, qant dıabeti) jáne búırektiń zaqymdalýyna tap bolǵan.
Ǵalymdar koronavırýspen aýyratyn pasıentterdi emdeý kezinde de, olarǵa zertteý júrgizý kezinde de jynys (áıel nemese er adam) aıyrmashylyqtaryna mán berýdi usynady.