Qazaqstan quramasy 21 medal jeńip aldy.
Aýyr atletıkadan Qazaqstan quramasy 11-18 maýsym aralyǵynda Leon qalasynda (Meksıka) ótken jasóspirimder arasyndaǵy álem chempıonatynda birinshi oryn aldy, dep habarlaıdy Almaty-akshamy.kz.
QR AAF bas hatshysy Aldıar Nuralınovtyń aıtýynsha, jarysqa qatysýshylardyń vıza alý kezinde qıyndyqtar bolǵan. Sondaı-aq sportshylardyń basym bóligi alǵash ret álem chempıonatyna qatysyp otyr.
«Jarys qorytyndysy boıynsha, bizdiń quramanyń qorjynynda túrli dárejedegi 21 medal bar. Bul aýyr atletıkanyń Qazaqstandaǵy №1 sport túri ekenin bildiredi. Sondaı-aq atletterimizdiń aldaǵy qurlyqtyq, álemdik jarystar men Olımpıada oıyndarynda tabysty óner kórsetý úshin zor áleýeti bar ekenin dáleldeıdi», - dedi QR AAF bas hatshysy Aldıar Nuralınov.