Tańbaly qoryq-murajaıynyń jalpy aýdany 3800 ga quraıdy
QR Mádenıet jáne sport mınıstrligi Geraldıkalyq zertteýler ortalyǵy men «Tańbaly» memlekettik tarıhı mádenı jáne tabıǵı mýzeı qoryǵy arasynda memorandým jasaldy, dep habarlaıdy Almaty- akshamy.kz.
İs-sharaǵa Geraldıkalyq zertteýler ortalyǵynyń dırektory Asylbek Baıjuma, «Tańbaly» mýzeı qory dırektory Madıar Ámirǵalıev, tarıh ǵylymdarynyń doktory, fılologıa ǵylymdarynyń kandıdaty, profesor, Geraldıkalyq zertteýler ortalyǵynyń ǵylymı qyzmetkeri Marat Ábsemetov, Memlekettik rámizderdi nasıhattaý bólimi basshysy, jýrnalıs Jarqynbek Jumadiluly qatysty.
Ózara usynys-pikirlermen jalǵasqan jıynda tyń dúnıeler aıtyldy. Endigi kezekte ortaq maqsatty tek júzege asyrý, nátıjeli jumys jasaý.
Tańbaly qoryq-murajaıynyń jalpy aýdany 3800 ga quraıdy, al Vızıt-ortalyǵy úshin 24 ga jer berilgen. Tańbaly shatqalynyń aýmaǵynda júzden astam ár túrli ýaqyttaǵy eskertkishter — qola dáýirinen bizdiń zamanymyzǵa deıingi 14—13 ǵasyrdyń ortasynan 19—20 ǵasyrlardyń deıingi aralyqty qamtyǵan qonystar, molalar, ertedegi tas qashalǵan oryndar, petroglıfter jáne tabyný ǵımarattary (qurban shalynatyn jerler) ornalasqan. Olardyń bári birigip úsh myń jyl boıy bizdiń elimizdiń kóptegen ertedegi jáne qazirgi kezdegi halyqtarynyń tarıhyn naqtyly kórsetetin arheologıalyq keshen quraıdy.