Zergerlik buıymdardy satýshylar tıisti tańbalar bolmaǵan jaǵdaıda qandaı jaýapkershilik kózdelgen? Bul týraly Óńirlik komýnıkasıalar qyzmetiniń brıfıńinde QR Saýda jáne ıntegrasıa mınıstrligi Tehnıkalyq retteý jáne metrologıa komıtetiniń Almaty qalasy boıynsha departamentiniń basshysy Qanat Qabylbekov aıtyp berdi.
Buǵan deıin spıker óz sózinde Departamentpen sýbektige (obektige) barmaı-aq 509 profılaktıkalyq baqylaý jáne qadaǵalaý júrgizilgenin, onyń nátıjeleri boıynsha barlyq jaǵdaılarda zańnamany buzý faktileri anyqtalǵanyn atap ótti.
«Bekitilgen standart boıynsha altyn baǵaly metaldarda barys basynyń belgisi men Qazaqstannyń halyqaralyq abrevıatýrasy - KZ bolýy tıis. Osy standartty buzýdyń naqty faktileri kezinde Departament baǵaly metaldar men asyl tastardan jasalǵan zergerlik jáne basqa da buıymdardy satýshylarǵa qatysty jospardan tys tekserýler ashady», - dedi Q.Qabylbekov.
Osylaısha, Departament qyzmetkerleri rastaıtyn materıaldarmen buzýshylyqtardyń dáleldi jáne naqty faktilerin anyqtaǵan kezde altyn buıymdy ótkizýshige qatysty jospardan tys tıisti tekserý taǵaıyndalady jáne faktiler rastalǵan jaǵdaıda Ákimshilik quqyq buzýshylyq týraly hattama jasalady. Aıyppuldardyń mólsheri kelesideı:
- jeke tulǵalarǵa - elý AEK mólsherinde;
– laýazymdy tulǵalarǵa, shaǵyn kásipkerlik sýbektilerine - seksen AEK mólsherinde;
- orta kásipkerlik sýbektilerine – júz AEK mólsherinde;
– iri kásipkerlik sýbektilerine - júz elý aılyq eseptik kórsetkish mólsherinde.«Sondaı-aq, satýshyǵa buzýshylyqtardy joıý týraly nusqama beriledi. Iaǵnı, satýshy óz óniminiń QQ talaptaryna sáıkes keletindigi týraly akt alýy kerek, sodan keıin barystyń basy túrindegi synamalyq tańbamen tańbalaýdy júrgizýi kerek», - dep túsindirdi spıker.
Atap ótkendeı, buzýshylyqtar joıylǵannan keıin bul ónim qaıtadan satylymǵa túsýi múmkin.